Vikings, nag-offer ng habambuhay na free buffet kay Carlos Yulo

Ang Vikings Luxury Buffet ay nag-alok ng bonggang regalo kay Carlos Yulo: isang lifetime free buffet sa lahat ng kanilang branches.

Bumuhos ang mga kumpanya na nagbigay ng gantimpala sa pangalawang Pinoy na nag-uwi ng gintong medalya para sa Pilipinas sa Olympics.

Gumawa ng kasaysayan si Carlos Yulo sa larangan ng gymnastics nitong Sabado, August 3, matapos niyang masungkit ang gintong medalya sa Artistic Gymnastics Men’s Floor Exercise category sa 2024 Paris Olympics.

PHOTO : Carlos Yulo / Paris Olympics 2024

Nasungkit ni Carlos ang gintong medalya matapos siyang maka-score ng 15.000 points, kung saan natalo niya ang pambato ng Israel at Great Britain.

Matapos nga ang kanyang tagumpay sa 2024 Paris Olympics, nakatanggap ng sandamakmak na incentives si Carlos.

Parangal mula sa Vikings Luxury Buffet

Sa kabila ng kanyang mga parangal at incentive mula sa pamahalaan, hindi rin nagpahuli ang pribadong sektor sa pagkilala kay Carlos.

Sa isang pahayag sa kanilang social media, inanunsyo ng Vikings, “Congratulations Carlos Yulo! Mabuhay ka! Mag-enjoy ka sa iyong lifetime free buffet mula sa Vikings! #Paris2024 #VikingsGroup”

Lingid sa kaalaman ng marami, ang isang buffet meal sa Vikings ay nagkakahalaga ng P1,038.00 tuwing weekdays at P1,248.00 tuwing weekends at holidays.

Iba pang incentives na matatanggap ni Carlos Yulo

Samantala, ang pagkilala kay Carlos ay hindi lamang limitado sa mga financial incentives kundi pati na rin sa mga suporta at parangal mula sa iba’t ibang sektor ng lipunan.

Bilang mandatado ng Republic Act 10699, ang mga atletang Pilipino na mag-uuwi ng medalya sa Olympics ay makakatanggap ng cash incentive depende sa kanilang ranggo: P10,000,000 para sa ginto, P5,000,000 para sa pilak, at P2,000,000 para sa tanso.

Bukod pa rito, ang Philippine Sports Commission ay magbibigay din ng Olympic Gold Medal of Valor para sa mga nagwagi ng gintong medalya.

Habang ang Philippine Olympic Committee naman ay nangakong magbibigay rin ng isang house and lot para sa mga gold medalists.

Dagdag pa rito, ang Megaworld Corp. ay nag-anunsyo rin ng isang fully furnished two-bedroom condominium unit sa McKinley Hill sa Taguig, na nagkakahalaga ng P24 milyon, bilang bahagi ng kanilang pagkilala kay Carlos.

Reaksyon ng netizens

Maraming netizens ang napa-sana all kay Carlos dahil sa dami ng kanyang matatanggap na incentives.

Pero ayon sa kanila, deserve umano ni Carlos ang kanyang matatanggap dahil sa karangalan na ibinigay niya sa Pilipinas.

Ang kanyang tagumpay sa Paris Olympics ay hindi lamang isang pagkapanalo para sa kanya kundi isang pagkapanalo para sa buong bansa.

Read More

Rider, maayos na inihatid ang parcel ng naka-burol na customer

Magkahalong lungkot at tuwa sa mga netizen ang kwento ng isang delivery rider na nagulat matapos madatnang nakaburol ang customer na pagdadalhan niya ng parcel.

Hindi maikakaila ang pag-usbong ng online shopping sa Pilipinas. 

Marami sa mga Pilipino ang nahuhumaling sa kaginhawahan ng pagbili ng mga pangangailangan at luho sa pamamagitan ng ilang pindot lamang sa kanilang mga cellphone o computer. 

Ang kagandahan ng online shopping ay hindi na kailangan pang lumabas ng bahay para makuha ang mga ninanais na produkto.

Ngunit paano kung bigla ka na lamang bawian ng buhay? Ano ang mangyayari sa mga parcel mo?

Huling order bago pumanaw

Isang hindi inaasahang pangyayari nga ang nag-viral kamakailan sa social media. 

Isang nagngangalang John Carlo Dimaranan ang nag-post sa TikTok ng isang video na nagpapakita ng isang delivery rider na dumating upang mag-deliver ng parcel sa kanyang pumanaw na tiyahin. 

Sa kanyang pagdating, nagulat ang rider nang madatnang nakaburol na si Connie, 44 taong gulang, na isang madalas na online shopper.

PHOTO : Rider, maayos na inihatid ang parcel ng naka-burol na customer

Sa video, makikitang hindi napansin ng delivery rider ang tarpaulin ng burol, at nagtaka siya nang hanapin si Connie. 

Ipinakita ng ina ni John Carlo ang kabaong, dahilan upang magulat ang rider. 

Ayon kay John Carlo, biglaang pumanaw ang kanyang Tita Connie dahil sa acute myocardial infarction, o atake sa puso. 

Ibinahagi rin umano ng kanyang pamilya ang video sa social media upang magbigay ng good vibes at ipakita kung ano ang gusto ni Connie— ang makapagpasaya ng mga tao kahit sa panahon ng kalungkutan.

Reaksyon ng netizens sa delivery rider

Ang insidenteng ito ay nagdulot ng iba’t ibang reaksyon mula sa netizens at nagpakita ng kakaibang kombinasyon ng lungkot at katatawanan. 

Samantala, sa ulat naman ng Bandera, ibinahagi ni John Carlo na nagulat siya dahil sa mabilis na pag-viral ng kanyang video. 

Ginamit din niya ang pagkakataong ito upang paalalahanan ang mga tao na maikli lang ang buhay kaya dapat pahalagahan ang bawat sandali kasama ang mga mahal nila sa buhay.

Aniya, “I also just want to share sa mga tao or sa public na life is short and you will never know hanggang kailan ka na lang so always value memories, time with your loved ones. A simple I love you and I miss you is a huge deal.”

Read More

Rosmar Tan, umaabot ang gastos kada araw ng P2 million

Marami ang nagulat nang ibinunyag ni Rosmar Tan na umaabot sa 1 milyon hanggang 2 milyon pesos ang kanyang gastos kada araw.

Si Rosmar Tan ay isa sa mga pinakamatagumpay na negosyante sa Pilipinas. 

Sa kabila ng kanyang malaking tagumpay, hindi naging madali ang pag-angat ni Rosmar sa buhay.

Kilala siya sa kanyang kasipagan, tiyaga, at determinasyon na magsumikap sa buhay.

PHOTO : Rosmar Tan and Jiro Manio

Paano umasenso si Rosmar Tan?

Kamakailan lamang, sa isang panayam ni Karen Davila sa kanyang YouTube channel, ibinahagi ni Rosmar ang kanyang kwento ng tagumpay at kung paano siya umasenso sa buhay.

Ani Rosmar, “Para sa akin po, siguro dahil na rin po sa sipag at tiyaga at saka determinasyon na magsumikap sa buhay.”

Aminado naman si Rosmar na malaki ang tulong ng social media kaya siya nagtagumpay sa buhay, lalo na ang TikTok.

Noong kasagsagan kasi ng pandemic, lumago nang sobra ang kanyang skincare business dahil sa kanyang TikTok videos. 

Paano na-realize ni Rosmar na mayaman na siya?

Samantala, inamin ni Rosmar na na-realize lamang niya na mayaman na siya nang umabot na sa 1 million hanggang 2 million ang kanyang expenses o ginagastos sa isang araw.

Aniya, “Para po sa ‘kin, siguro ‘yung expenses ko sa isang araw, eh parang milyon, gano’n, na parang never kong kinita before. Ang dami kong business, may pet shop, may samgyupsal, restaurant, ukayan, fish store, parang lahat na po, ginawa kong business. Halos sabay-sabay pa ‘yon na never kong kinita. Pero ngayon, imagine niyo ‘yung 1M or 2M, minsan expenses ko na lang po sa isang araw.”

Ngunit masasabi na nga ba ni Rosmar na isa na siyang bilyonaryo?

Nang tanungin ni Karen kung bilyonaryo na ba siya, itinanggi ito ni Rosmar ngunit sinabi niyang natutuwa siya dahil iniisip ng mga tao na bilyonaryo na siya. 

Ani Rosmar, “Nakakatuwa, kasi iniisip nilang ganon. Pero ang sakin lang naman po gustong gusto ko lang po kumita ng kumita para po sa future ng mga anak ko at sa mga tao po na umaasa po sa amin.”

Paano nagsimula sa real-estate business si Rosmar?

Bukod sa kanyang skincare business, si Rosmar ay nagmamay-ari ng mahigit 10 resort at 30 land titles na nakapangalan sa kanya sa Laguna, Batangas, Palawan, at Tagaytay.

Isa na rito ang bubuksan pa lamang niyang R Palacio De Tagaytay, isang resort at event place na matatagpuan sa Tagaytay.

Isa sa mga tanong ni Karen ay kung kailan nagsimula si Rosmar sa paggawa ng mga resort. 

Sagot ni Rosmar, “Simula nung kumikita na sa skincare, nagpundar na agad kami ng mga property na may mga pool. So nakatengga lang po siya. Naisip ko why not i-open namin siya sa public? Nagkaroon po kami ng mga resort then mura lang po ang pa-renta namin para ma-afford ng iba yung quality maganda pero mura.”

Sikreto ng tagumpay ni Rosmar

Samantala, ibinahagi ni Rosmar ang sikreto sa likod ng kanyang tagumpay.

Ito ay ang  pagkakaroon ng business mindset at ang pag-take ng risks habang bata pa. 

Aniya, “Si Papa kasi business minded siya pero at the same time po kasi sabi ko kung hindi ako susugal sa pagnenegosyo or mag-take ng risk, walang mangyayari. Darating yung time na uugod na tayo, hindi na natin kayang mag-invest. So habang bata pa, go lang nang go.”

Ang kwento ni Rosmar Tan ay isang inspirasyon sa maraming Pilipino na nagsusumikap at nangangarap na umasenso sa buhay. 

Ipinapakita nito na sa tamang kombinasyon ng sipag, tiyaga, at determinasyon, kayang makamit ang tagumpay.

Read More

Amanda Zamora, nilinaw ang relasyon nila ni Daniel Padilla

Mariing itinanggi ng Star Magic artist na si Amanda Zamora ang isyung may namamagitan sa kanila ng Kapamilya actor na si Daniel Padilla.

Naging usap-usapan sa social media na si Amanda raw ang bagong girlfriend ni Daniel matapos kumalat ang umano’y larawan nila na magkasama sa isang mall.

Lalo pang tumindi ang espekulasyon na may namamagitan sa kanila ni Daniel nang mabanggit ng talent manager na si Ogie Diaz sa kanyang “Showbiz Update” vlog noong July 25 ang pangalang “Amanda”.

Ayon kay Ogie, may nag-private message sa kanya at tinatanong kung may bagong girlfriend na si Daniel, at ang pangalan daw nito ay “Amanda”.

Ani Ogie, “May nag-ano sakin, nag-PM sa akin. Kasi tinatanong nila kung meron na ring jowa si DJ Daniel Padilla at tinatanong ako kung totoo po ba na ang pangalan ng bagong girlfriend ni DJ ay Amanda?” 

Mabilis na itinuro ng netizens si Amanda dahil sa koneksyon ni Daniel sa kanyang ama na si San Juan City Mayor Francis Zamora.

Sa gitna kasi ng isyu, namataan naman si Daniel at ang kanyang pamilya kasama si Mayor Francis.

Si Mayor Francis kasi ang nag-officiate sa civil wedding ng kapatid ni Daniel na si JC Padilla at Nathalia Valdivia.

Amanda Zamora, nagsalita na tungkol sa kanila ni Daniel Padilla

Mukhang nakarating nga kay Amanda ang kumakalat na espekulasyon tungkol sa kanila ni Daniel kahit pa kasalukuyan siyang nasa Amerika para mag-aral.

PHOTO : Amanda Zamora and Daniel Padilla

Kaya naman sa pamamagitan ng isang Instagram story, umapela si Amanda sa lahat na tigilan na ang pagpapakalat ng walang basehan na tsismis at maling balita tungkol sa kanila ni Daniel na sa kahit anong paraan ay wala raw siyang ugnayan.

Aniya, “I kindly ask everyone to stop spreading baseless rumors and fake news where I am in no way associated with.”

Dagdag pa niya, “May we be kinder in words towards one another and practice discernment, especially on the internet. Thank you.”

Samantala, sa isang panayam, pinabulaanan din ni Mayor Francis na may ugnayan sina Amanda at Daniel.

Iginiit ni Mayor Francis na sila lang ni Daniel ang magkaibigan.

Ani Mayor Francis, “Actually, hindi naman siguro lingid sa inyong kaalaman na napapag-usapan na rin lately. At in fact, nasasama nga siya sa mga comments. In fact, alam ko po na nili-link po siya ng ibang mga tao. Pero bilang isang ama, ako na po magsasabi na hindi po totoo ‘yan.”

Read More

Kathryn Bernardo, nililigawan ni Lucena City Mayor Mark Alcala

Lumutang ang pangalan ng batang alkalde ng Lucena City na si Mayor Mark Alcala bilang bagong manliligaw di umano ngayon ni Kathryn Bernardo.

Gaano nga ba katotoo ang balitang ito?

Unang ibinalita ng popular na entertainment website na pep.ph na nanliligaw si Mayor Mark kay Kathryn noong Lunes, July 29. 

Ang artikulo ay isinulat ng batikang showbiz writer na si Jojo Gabinete kung saan sinabi niyang isang “unimpeachable source” o mapagkakatiwalaang source di umano ang nagkumpirma sa kanila na nililigawan ni Mayor Mark si Kathryn. 

Wala namang nabanggit na iba pang detalye tungkol sa panliligaw ni Mayor Mark kay Kathryn ang nasabing source.

Sino si Mayor Mark Alcala?

Hindi na bago sa mga showbiz issue ang 30-taong gulang na mayor dahil nagkaroon na rin siya ng girlfriend mula sa industriya na walang iba kundi ang Kapuso actress na si Ashley Ortega.

PHOTO : Mark Alcala

Ngunit noong March 2023, kinumpirma ni Ashley na hiwalay na sila ni Mayor Mark. 

Ayon sa kanya, 2022 pa sila naghiwalay ng landas ni Mayor Mark. 

Sa isang panayam, inamin naman ni Ashley na labis siyang nasaktan sa hiwalayan nila ni Mayor Mark. 

At bagamat hindi na niya idinetalye pa ang dahilan ng kanilang hiwalayan, nilinaw naman ni Ashley na “mutual decision” umano ang paghihiwalay nila ni Mayor Mark.

Aniya, “Aaminin ko, when we broke up talagang I was at my lowest din kasi syempre na-in-love tayo ng sobra. But what happened before, it was a mutual agreement naman. So ngayon, I’m better.”

Mark Alcala at Mika Reyes

Ilang buwan matapos kumpirmahin ni Ashley ang hiwalayan nila, na-link naman si Mayor Mark sa professional volleyball player na si Mika Reyes. 

Ito’y matapos silang maispatan na magkasama ng ilang beses sa iba’t ibang okasyon at lugar.

Kabilang na rito ang panonood ni Mayor Mark sa mga laro ni Mika. 

Gayunpaman, hindi kailanman kinumpirma nina Mika at Mayor Mark ang espekulasyon na may namamagitan sa kanila.

Mga napabalitang nanliligaw kay Kathryn

Hindi lingid sa kaalaman ng marami na mula nang maghiwalay sila ng kanyang boyfriend for 11 years na si Daniel Padilla, iba’t ibang lalaki na ang iniuugnay kay Kathryn. 

Kabilang na rito ang Kapuso actor na si Alden Richards, hunk actor na si Jericho Rosales, at dating aktor na si Dominic Roque. 

Kaya naman labis na ikinagulat ng marami nang mabalitaan nilang isang politiko naman ngayon ang nanliligaw kay Kathryn.

Sa ngayon, wala pang reaksyon o pahayag si Kathryn hinggil sa balitang nililigawan di umano siya ni Mayor Mark. 

Kasalukuyang nasa Canada si Kathryn para gawin ang pelikulang “Hello, Love, Again” na sequel ng 2019 blockbuster movie nila ni Alden na “Hello, Love, Goodbye”.

Read More

Liza, binunyag na siya dapat ang bida sa ‘Hello, Love, Goodbye’

Isiniwalat ni Liza Soberano na siya dapat ang bibida sa 2019 movie na “Hello, Love, Goodbye” sa halip na si Kathryn Bernardo.

Sa vlog ni Bea Alonzo kung saan kumasa siya sa “Lie Detector Test” challenge nito, ikwenento ni Liza Soberano na sa kanila ng kanyang boyfriend na si Enrique Gil unang in-offer ang “Hello Love Goodbye”.

Gayunpaman, hindi raw ito natuloy dahil nagdesisyon na lamang daw bigla ang Star Cinema na ibigay ang pelikula sa iba dahil may ibang proyekto raw na nakahanda para sa kanila.

PHOTO : Liza Soberano and Bea Alonzo

Hanggang nabalitaan na lamang ni Liza na in-offer kay Enrique ang “Hello Love Goodbye” pero hindi na siya ang katambal nito kundi si Kathryn.

Liza Soberano, natakot magsama si Kathryn at Enrique sa pelikula

Pag-amin nga ni Liza kay Bea Alonzo, natakot siya nang i-offer kay Kathryn at Enrique ang pelikula baka raw kasi katapusan na ng loveteam nila noon ng aktor.

Bukod sa nalulungkot siya para sa kanilang fans, natakot din umano siyang matapos ang loveteam nila ni Enrique.

Ani Liza, “At the time that when I was in a love team, hindi ko naisip na problema siya. Actually, ‘yung ‘Hello, Love, Goodbye’ ni Kathryn and Alden was actually offered to Quen and I first. And then I wanted to do that movie so bad. But then, ‘They were like, there’s another project lined up for the both of you.’”

“Tapos, when we’re doing Bagani, nabalitaan ko that…At first they offered it to Kathryn and Quen. And that scared the sh*t out of me.

“I was like, why would they do that? I asked them to save the project for me and Quen, parang please wait for us. Kasi they told us din nung pinitch sa amin na hindi pwede gawin agad kasi they have to develop it more.

“And so I was like, ‘Okay, we’ll wait for it. Please hold it for us.’ And then nalaman ko na lang bigla that were offering it to Quen still but with Kathryn. And I was scared that after Bagani and then when I do Darna, wala na yung LizQuen.

“And for me, I didn’t want to do that to the fans but also Quen was my comfort zone,” dagdag niya.

Samantala, kung babalikan ang nangyari, ibinahagi ni Liza na iyon ang pagkakataon na na-realize niyang marami siyang hindi nagawa sa kanyang career dahil nakahon siya sa isang loveteam.

Ani Liza, “It was until later that I realized, ‘Oh my god. And dami kong hindi nagawa sa career ko.’ And that’s why everybody I think takes for granted my talent or acting capabilities because they only see me in a loveteam.”

Read More

Mark Anthony Fernandez, nawalan ng trabaho dahil sa viral video

Malaki ang naging epekto sa karera ng aktor na si Mark Anthony Fernandez ang pagkalat ng kaniyang sensitibong mga videos sa social media.

Kamakailan ay tila piyesta sa social media ang pagpapa-kalat ng mga netizens sa sensitibong video ng aktor na si Mark Anthony.

Makikita sa naturang viral video ang isang lalaki na kawangis ni Mark sabay pakita ng kaniyang etits sa camera.

Masyadong maikli ang naturang video at medyo maypagka-malabo rin ang kuha, kalaunan ay may isang babae na lumapit kay Mark, sabay dinakma at kinain nito ang dakila ng aktor.

PHOTO : Mark Anthony Fernandez

Ogie Diaz, hindi in-enjoy ang video ni Mark Anthony Fernandez

Aminado ang talent manager na si Ogie Diaz na hindi niya in-enjoy ang viral video ng aktor na si Mark.

“Sa totoo lang, dapat mag-iingat si Mark. Ayan, lumabas na. Hindi natin alam sino bang naglabas no’n. Silang dalawa lang no’ng girl ang nandoo’n. Kaninang camera ‘yong gamit?” panimula ni Ogie Diaz.

“At talagang inedit pa ‘yong ibang portion. Talagang iba-iba ‘yong positioning…ng pag-a-acrobat. Nakakaloka ng taon, e,

“Ako inimbestigahan ko lang naman ‘yon. Hindi ko siya in-enjoy. Parang lumabas lang na habang pinapanood ko siya, parang alam mo ‘yon, imbestigador lang ako.” dagdag pa niya.

Mark Anthony, nawalan ng trabaho

Sa latest episode ng “Showbiz Update” nina Ogie Diaz, malaki umano ang naging epekto kay Mark Anthony matapos lumabas ang kanyang sex video sa publiko.

Matapos umanong pina-init ni Mark ang mga netizens dahil sa kaniyang viral video ay agad umano siyang tinanggal sa isang proyekto.

Ani Ogie Diaz : “Mukhang malaki ang naging epekto nito sa kanya, ‘yung eskandalo na lumabas. Ito na nga, bigla na lang siyang tinanggal [sa isang proyekto].

“According to my source, tinanggal si Mark Anthony Fernandez doon sa Rain in España starring Mark Gallo and Heaven Peralejo under Viva,

“Nakakaloka. Ang sinabi lang na rason ay dahil raw sa lumabas… Nakaapekto [ang video sa career niya].

“Siyempre hindi rin natin masisisi si Mark kung talagang compilation niya lang ‘yun kaya lang lumabas.” dagdag ni Ogie Diaz.

Read More