Maris racal, hiwalay na sa singer na si Rico Blanco

Ikinalungkot ng marami ang pagbubunyag ni Maris Racal tungkol sa tunay na estado ng relasyon nila ng Rivermaya vocalist na si Rico Blanco.

Sa isang press conference ng Star Magic nitong Biyernes, July 12, inamin ni Maris na hiwalay na sila ni Rico matapos ang limang taong relasyon.

Nagsimula ang rebelasyon nang tanungin si Maris kung handa na ba siyang magpakasal kay Rico. 

Sa umpisa, sinabi ni Maris na hindi muna dahil nakatutok pa siya sa kanyang career ngayon. 

Ngunit nang muling tanungin kung nakikita ba niya ang sarili na ikakasal kay Rico, naging tahimik at emosyonal si Maris.

Maris Racal confirms breakup with Rico Blanco

PHOTO : Maris Racal confirms breakup with Rico Blanco

Hanggang sa inamin ni Maris hindi na mangyayari ang kasalan dahil hiwalay na sila ni Rico. 

Ayon kay Maris, natatakot siyang sagutin ang mga tanong tungkol kay Rico dahil pagod na siyang ngumiti at tumango na lamang. 

Kaya sa unang pagkakataon, bukas niyang inamin ang kanilang paghihiwalay.

Ikinuwento ni Maris na ilang linggo pa lamang ang nakalipas mula nang magdesisyon sila ni Rico na tapusin ang kanilang relasyon. 

Ani Maris, “I’m so scared. I’m really scared, ang dami kasing tanong about him and I am tired of smiling and nodding. I’m so scared because if I announce it that is real… but, yeah, Rico and I are over. It’s fresh. It’s been weeks, loneliest and emptiest weeks I’ve ever experienced in my life.”

Ayon kay Maris, mahirap sabihin sa lahat ang kanilang hiwalayan dahil hindi ito isang simpleng bagay. 

Aniya, “Hindi ko rin siya malabas na isang statement lang kasi hindi siya ganon kadali, sobrang complicated yung situation.”

Bagama’t mahirap ang naging pag-uusap nila ni Rico, nilinaw naman ni Maris na naging mahinahon ang kanilang paghihiwalay. 

Ani Maris, “It was a very difficult talk, cause I love him so much and he loves me…It was very difficult but a very polite separation. Up to the very end of the relationship, it was still full of love and understanding.”

Maris on her relationship with Rico: “Our universe was so beautiful”

Nilinaw din ni Maris na maganda at puno ng pagmamahal, tawanan, at musika ang relasyon nila ni Rico.

Aniya, “Rico and I, our universe was so beautiful. It was full of love, laughter, music, everything. Sa five years namin together, we were always on the same page.”

Kaya hindi raw niya alam kung bakit nauwi sa hiwalayan ang kanilang relasyon. 

Aminado naman si Maris na malaki ang ambag niya sa hiwalayan nila ni Rico dahil sa nakalipas na taon, malaki umano ang kanyang pinagbago at nagkaroon siya ng bagong pananaw sa buhay. 

Aniya, “I don’t know what happened to me. Maybe I turned to the next page and saw a new perspective sa life. I had visions of who I want to become, and how I want to evolve. I’m so curious about the world and the truth is, I am going through changes.”

Marami rin siyang katanungan tungkol sa kanyang sarili at kung paano magpapatuloy sa buhay na wala na si Rico sa kanyang tabi. 

Inihayag ni Maris na “one of a kind” si Rico, at kung pwede lamang niyang laktawan ang kanyang 20’s ay gagawin umano niya ito para lang makasama ito.

Ani Maris, “But I have so many questions about my life and how will I go on in life with him, and I have so many questions about me and my sense of self…And Rico is one of a kind. If only I could skip through my 20s, you know, but I can’t. I have to face it, I have to sit with my feelings and acknowledge my changes.”

Rico, tanggap ang desisyon ni Maris

Sa huli, inihayag ni Maris na malaki ang respeto niya kay Rico dahil tinanggap umano nito ang kanyang mga problema at isyu bilang isang tunay na lalaki.

Aniya, “So, yeah, I told Rico about it. I told him my problems and my issues. And he took it like a man. He took it like a man.”

Sa ngayon, wala pang pahayag si Rico tungkol sa kanilang hiwalayan.

Kung babalikan, sinusubaybayan ng marami ang kwento ng pag-ibig nina Maris at Rico na hindi karaniwan dahil sa malaking agwat ng kanilang edad na 24 taon. 

Hindi kaila sa lahat na bata pa lamang si Maris ay humahanga na siya kay Rico dahil sa husay nito sa musika.

Hanggang noong 2018, kung kailan nagsimula pa lamang gumawa si Maris ng pangalan sa pag-arte at musika, naghanap siya ng makaka-collaborate na artist.

At isa si Rico sa mga nais niyang maka-collab na agad namang pumayag hanggang sa nabuo nila ang kantang “Abot Langit”.

Samantala, sa vlog ni Dr. Vicki Belo noong nakaraang Pebrero lamang, ikwenento ni Maris na noong mga panahong gumagawa sila ng kanta ni Rico ayt wala pa siyang nararamdamang romantic feelings dito.

Unti-unti raw itong nagbago nang yayain siya ni Rico na manood ng isang musical. 

Ngunit hindi raw siya pumayag sa alok ni Rico, kaya sa isang event na inorganisa ng kanilang kaibigang si Rambo Nuñez, nagsimula ang kanilang pagtitinginan. 

Ngunit hindi nila agad inanunsyo ang kanilang relasyon at itinago ito ng dalawang taon sa takot ni Maris na makaapekto ito sa kanyang showbiz career.

Sa katunayan, sa Las Vegas, Nevada sa Amerika pa nangyari ang kanilang unang date.

Hanggang noong 2021, sa gitna ng pandemya, napagtanto ni Maris na hindi mahalaga ang sasabihin ng iba kundi ang kanyang pamilya at mga nagmamahal sa kanya. 

Kaya noong May 2021, isinapubliko nila ni Rico ang kanilang relasyon.

Read More

Pamilya ni Rico Yan, nagsalita tungkol sa mga bumibisita sa aktor

Nagsalita na ang pamilya ng dating aktor na si Rico Yan matapos mag-viral sa social media ang mga larawan ng mga netizens na kuha sa libingan ng aktor.

Hindi lingid sa karamihan na muli ay naging laman ng social media ang aktor na si Ricardo Carlos Castro Yan o mas kilalang Rico Yan dahil sa mga GenZ na pilit ina-alala ang aktor dahil sa kaniyang mga pelikula.

Marami kasi sa mga Gen Z ang nagsasabing patay na patay sila sa kagwapuhang taglay ni Rico kahit patay na ito, marami rin ang mga dumalaw sa libingan ng aktor sa Manila Memorial Park na mistulang naging tourist spot.

PHOTO : Libingan ni Rico Yan

Muli kasing nakilala si Rico matapos muling inupload ng Star Cinema ang mga blockbuster movies nito sa social media na may pamagat na “Got 2 Believe” at “Dahil Mahal Na Mahal Kita” kasama ang aktres na si Claudine Barretto.

Bobby Yan, nagsalita na tungkol sa pag-dagsa ng mga dumadalaw sa libingan ni Rico

Dahil sa hindi maawat na pagdalaw ng mga diehard fans ng aktor sa kaniyang puntod, nagsalita na ang nakakatandang kapatid ni Rico na si Bobby Yan.

Nilinaw ni Bobby na lahat naman ay pweding pumunta sa puntod ng kaniyang kapatid dahil welcome naman ang mga ito.

Ani Bobby : “We welcome po anyone from anywhere. We have visitors from abroad visit Rico’s tomb and there are visitors weekly since 22 years ago.”

Rico Yan’s death

Natagpuan na lamang ng aktor na si Dominic Ochoa na walang buhay ang kanyang kaibigan na si Rico sa isang cottage sa Dos Palmas resort sa Palawan.

Sa resulta ng autopsy na isinagawa sa katawan ni Rico ng Arlington Funeral Homes, lumalabas na ang sanhi ng kaniyang pagpanaw ay pancreatic hemorrhage.

Claudine Barretto, bawal makita ang bangkay ni Rico Yan

Sa unang araw ng lamay para kay Rico, ay isa-isang nagdagsaan ang mga sikat na artista at mga fans ng aktor sa kaniyang burol sa La Salle Greenhills Chapel.

Ngunit kung gaano kabukas ang pinto ng puso ng pamilya ni Rico sa pagtanggap sa ibang mga artista ay ganu’n naman kasarado ang puso nila para kay Claudine Barretto.

Read More

Anak ni Francis M. na si Gail Francesca, pinasayaw sa bar

Viral sa social media ang video ng anak ni Francis Magalona na si Gail Francesca habang pinapasayaw ng kaniyang ina sa stage ng isang bar.

Makikita kasi sa nasabing viral video ang ina ni Gail Francesca na sumigaw pa ng “Go” bago tuluyang sumayaw na ang kaniyang anak sa harap ng mga nag-iinuman.

Agad namang sumayaw si Francesca ng sexy dance at sumabay sa indak ng sikat na kantang “Water ni Tyla”, ang bar na na ito ay located sa Las Pinas, Metro Manila.

Mapapansin rin na nagsisigawan ang mga audience at sabay na nagsi-palakpakan nang nagsimula na si Francesca na sumayaw.

PHOTO : Gail Francesca Magalona sumayaw sa bar

Matapos mag-viral ang naturang video ay umani ito ng samu’t-saring batikos mula sa netizens, sa ngayon ay burado na ang viral video matapos itong gumawa ng ingay sa social media.

Nakatanggap rin ng batikos mula sa mga netizens ang ina ni Francesca na si Abegail Rait dahil siya pa umano ang pasimuno at pumilit sa kaniyang anak na sumayaw sa harap ng maraming lasing.

Ani ng netizen : “Grabe ikaw sana ang ina ikaw pa ang bumubugaw sa anak mo, ikaw sana ang poprotekta kasi minor pa si Gail francesca.”

Gail Francesca, nagsalita na sa issue matapos sumayaw sa bar

Samantala, agad na nilinaw ni Gail Francesca ang pagsayaw niya sa bar, ayon sa kaniya na ang ginawa lamang nila ay isang bahagi ng promotion, humiling rin siya sa mga netizens na huwag sana silang husgahan agad-agad.

Aniya : “Sana po hindi kayo judgemental. Promotion lang po yung ginawa namin dyan [crying emoji].”

Ina ni Gail Francesca na si Abegail Rait, may patama sa mga judgemental

Sa gitna nang pambabatikos ng mga netizens sa mag-inang Gail Francesca at Abegail Rait dahil sa viral video na nagmula sa isang bar, nagbahagi ng isang quote card ang ina ni Francesca sa social media.

Ayon sa qoutecard ni Abegail : “We are like books. Most people only see our cover, the minority read only the introduction, many people believe the critics. Few will know our content.”

Read More

Alamin kung paano pumanaw ang aktor na si Rico Yan

Muling naging laman ng social media ang aktor na si Rico Yan dahil sa mga GenZ na pilit inaalala ang aktor dahil sa kaniyang mga lumang palabas.

Marami rin sa mga GenZ na mga influencers ang nagsasabing patay na patay sila sa kagwapuhan ni Rico kahit patay na ito.

Muling nakilala ng mga GenZ si Rico Yan matapos muling inupload ng Star Cinema ang blockbuster movies nilang dalawa ng aktres na si Claudine Barretto sa social media na may pamagat na “Got 2 Believe” at “Dahil Mahal Na Mahal Kita”.

Rico Yan and Claudine Barretto timeline

Ang loveteam nina Rico at Claudine ay sumikat taong 90’s hanggang 2002, nagsimula ang pagkaka-mabutihan nilang dalawa bilang on-screen partners hanggang sa tuluyan na silang naging real life couple.

Nagtagal ang kanilang relasyon ng almost 4 years, hanggang sa nagulat nalang ang lahat matapos biglaang pumanaw si Rico habang nagbabakasyon ito sa Puerto Princesa Palawan noong 2002.

PHOTO : Rico Yan and Claudine Barretto

– 2024, sa isang pahayag ni Claudine sa talent manager na si Ogie Diaz, inamin ng aktres na nag-live in na sila noon ni Rico hanggang sa dumating ang November 2001 at tila hindi na naging maayos ang kanilang relasyon o pagsasama.

A night before Rico Yan’s death (March 28, 2002)

– Thursday night, habang nasa isang piano bar si Rico ng isang resort sa Palawan hindi umano ito tumitigil sa pagkanta ng mga lovesongs gaya na lamang sa kantang “Got To Believe In Magic” ni David Pomeranz.

Ang “Got To Believe In Magic” ay ang huling movie project nina Rico Yan at Claudine Barretto na pinag-bidahan nilang dalawa noong 2002.

Ang pagkanta umano ni Rico ay nagsimula ng March 28 ng gabi hanggang sa umabot ng 4 a.m ng March 29.

“The woman who’s out of my life”

Ang mga lovesongs umano na kinanta ni Rico sa isang resort sa Palawan ay inaalay niya umano sa isang tao na tinawag niyang “The woman who’s out of my life”.

Hindi umano napansin ng mga kasamahan ni Rico na ito na pala ang huling araw na makikita nilang buhay ang aktor.

Isa ang newscaster na si Arnold Clavio sa naki-jamming sa aktor habang sila ay nasa resort ng Dos Palmas sa Palawan.

Pagbabahagi ni Arnold : “He was in high spirits, he sang other songs and we wrapped up around 4 a.m. He didn’t have any premonition [of death] at all.”

Rico Yan’s death (March 29, 2002)

The next morning, natagpuan na lamang ng aktor na si Dominic Ochoa na walang buhay ang kanyang kaibigan na si Rico sa isang cottage sa Dos Palmas resort.

Sa resulta ng autopsy na isinagawa sa katawan ni Rico ng Arlington Funeral Homes, lumalabas na ang sanhi ng kaniyang pagpanaw ay pancreatic hemorrhage.

Ecstacy pills overdosed

March 29, 2002 kumalat ang mga text messages tungkol sa pagkamatay ni Rico, ang sanhi diumano ay ang pag-take nito ng ecstacy the night before bago siya pumanaw.

Pero agad na nilinaw ng matalik na kaibigan ni Rico na si Dominic Ochoa ang mga kumakalat na text messages dahil wala umano itong katotohanan.

Ani Dominic : “Please, whoever saying that he was using ecstacy, it is not true,

“Don’t give my friend any headaches anymore. You have no right, He never took drugs, whoever saying that should die!.” dagdag pa ni Ochoa.

Claudine, bawal makita ang bangkay ni Rico

Sa unang araw ng lamay para kay Rico, ay isa-isang nagdagsaan ang mga sikat na artista at mga fans ng aktor sa kaniyang burol sa La Salle Greenhills Chapel.

Ngunit kung gaano kabukas ang pinto ng puso ng pamilya ni Rico sa pagtanggap sa ibang mga artista ay ganu’n naman kasarado ang puso nila para kay Claudine Barretto.

Ayon kay Claudine, umiiyak siya na nakiusap sa nakatatandang kapatid ni Rico na si Bobby na kung pwede sana’y makapunta siya, pero ang sabi sa kanya nito ay ayaw raw ni Mommy Sita [Ina ni Rico], sapat na raw na ipagdasal niya na lang ang kaluluwa ng aktor.

Ayaw namang kontrahin ni Claudine ang gustong mangyari ng pamilya ni Rico dahil ayaw niyang mabastos ang burol ng dati niyang karelasyon.

March 31 2002, dumating sa La Salle Chapel ng madaling-araw si Claudine , pero hindi pa rin siya pinapasok ng pamilya ni Rico.

Claudine Barretto, blamed herself for Rico Yan’s death

Dahil sa biglaang pagkawala ng aktor na si Rico, itinapon ng mga tao ang lahat ng kanilang sisi sa aktres na si Claudine Barretto.

Hindi umano alam ni Claudine ang kaniyang gagawin sa biglaang pagpanaw ni Rico at naiintindihan niya kung saan nanggagaling ang galit sa kaniya ng mga tao.

Kahit siya umano ay sinisisi niya ang kaniyang sarili, humiling rin si Claudine sa mga tao na sana raw ay maintindihan rin ng mga ito ang kaniyang sitwasyon.

– May 2024, ani Claudine : “During the time na kinu-crucify ako ng mga tao at sinasabi nila na kasalanan ko, ang hindi alam ng tao na ako rin, sinisisi ko rin ang sarili ko,

“Kasi kung pina-punish niyo ako, pina-punish ko rin ‘yong sarili ko. Kung galit kayo sa akin, mas galit ako sa sarili ko,

“So sa mga taong nagsasabi na kasalanan ko, ganon di ang tingin ko sa sarili ko. So sana mas maging understanding kayo ng kahit konti.

“Dahil ‘yong galit niyo sa akin noon, a million times over ang galit ko sa sarili ko,

“Yung love na yon, hindi na mauulit ‘yon sa buong buhay ko kailanman. Magmahal man ako, it’s never gonna be the same at sinisi ko ang sarili ko,” dagdag pa ng aktres.

Read More

Zeinab Harake at Bobby Ray Parks Jr., finally engaged na

Viral sa social media ang mga larawan na kuha mula sa engagement at proposal ng vlogger na si Zeinab Harake at ng basketball player na si Bobby Ray Parks Jr.

Sa wakas kasi ay nag-propose na at niyaya nang magpakasal ni Ray Parks si Zeinab, ibinida rin nito ang bonggang singsing para sa vlogger na makikita sa isang proposal video.

Bago mag-propose si Ray Parks kay Zeinab, humingi muna ito ng blessings sa mga mahal sa buhay ng vlogger, nangako din ang basketball player na mamahalin rin niya ang dalawang anak ni Zeinab.

PHOTO : Zeinab Harake and Bobby Ray Parks Jr. proposal

“I know you are the right man”

Hindi lang si Zeinab ang na-surprise sa proposal ni Ray Parks para kay Zeinab dahil pati ang ama ng vlogger ay naging emosyonal rin.

Makikita kung paanong masinsinan na kinausap ni Ray Parks ang ama ni Zeinab na isa sa mga unang nakakita sa singsing na ibibigay niya sa vlogger.

Mismong sa engagement ng dalawa ay emosyonal ang ama ni Zeinab, makikitang malaki ang tiwala nito kay Bobby Ray Parks dahil alam niya na ang basketball player na ang para talaga sa kaniyang anak.

Ani ng ama ni Zeinab : “I know you are the right man.”

Zeinab Harake and Bobby Ray Parks proposal

Sobrang nasorpresa at napaiyak na lamang si Zeinab sa inihandang proposal party ni Ray Parks Jr. upang itanong sa kanya ang “Will you marry me?”

Panimula ni Ray Parks : “I believe God brought us together as a token of his love for us,

“I’m truly blessed to call you my best friend, my lover and my biggest supporter… Zeinab Harake, would you make me the happiest man in the world?”

Sagot ni Zeinab : “Sa totoo lang, hindi ako naniniwala sa kasal dahil na rin sa pinagdaanan ko sa buhay pero noong dumating si Ray sa buhay ko, doon ko naano ‘yung sarili ko na magse-settle ako sa taong ‘to.

“Kasi nakikita ko sa kanya ‘yung future na alam kong maiintindihan niya ako kahit sa pinakamahirap na sitwasyon pa ng buhay natin,”

“So, sumugal ako. Sumugal ako ngayon with our lives… buhay naming tatlo ng mga bata binibigay ko sa’yo kasi naniniwala ako sa Diyos, sa’yo and you deserved it daddy. Deserved mo ang ‘YES’.” dagdag pa ni Zeinab.

Read More

Ivana Alawi, masyadong pa “DIVA”, liligwakin na sa Batang Quiapo

Usap-usapan ang pag-alis ng bagong karakter sa serye ni Coco Martin na Batang Quiapo, Si Ivana Alawi ang itinuturo ng mga netizens at iba pang mga source.

Kung ating babalikan, matagal ng na blind item ang isang aktres sa lahat ng social media tungkol sa pagiging “DIVA” umano nito sa isang serye at sa kaniyang trabaho.

Sa wakas ay pinangalanan na ito ng Bandera [very reliable source] at ito ay walang iba kundi ang aktres-vlogger na si Ivana Alawi.

PHOTO : Ivana Alawi

Ani pa ng Bandera : “Habang sinusulat namin ang balitang ito ay saka lang naming naalalang matagal na nga pala itong naikuwento sa amin at iba-blind item sana naming pero dahil sa rami na ng mga nakaka-tsikahan namin ay nalimutan na.

“Pero ngayon, hindi na blind item ang aktres na diva ang ugali sa set ng isang serye at hindi namamansin dahil pinangalanan na namin.”

Ivana Alawi, nag last taping na sa Batang Quiapo

May isang cast sa serye ng Batang Quiapo at ito ang naging source ng Bandera na nagsabing si Bubbles [Ivana Alawi] ang liligwakin sa serye.

Ayon pa sa Bandera : “Personal Assistant [PA] ng Batang Quiapo ang nakausap namin at nabanggit niyang, “Si Bubbles po, tatanggalin na raw. nakapag last taping na si Bubbles.

“lagi po kasing hindi puwede si Bubbles pag may taping, may lakad tapos pag pinakikiusapan siyang mag extend ng oras, ayaw niya, umaalis na agad saka po hindi masyado nakikipag-usap.” dagdag pa.

Ivana Alawi, feeling “DIVA” sa set ng Batang Quiapo

Marami nang lumalabas na chika na feeling diva umano ang aktres na si Ivana lalong-lalo na sa set ng Batang Quiapo.

Hindi umano namamansin o pinipili lamang ang papansinin ni Ivana sa set, pag dumarating daw ito sa taping ay diretso na agad ito sa tent niya o sa standby area at laging nakadutdot sa cellphone.

Pag tinatawag na para mag-take si Ivana ay nakasimangot, saka lang kunwari mamansin kapag magka-eksena na sila ng kung sinuman sa cast.

Sa ngayon ay wala pang reaksyon ang aktres na si Ivana Alawi tungkol sa pagka-ligwak nito sa serye na Batang Quiapo.

Read More

Mga celebrities, na may brilyante ng Persona Non Grata

Ito ang listahan ng mga sikat na celebrities na pinatawan bilang Persona Non Grata sa iba’t-ibang lugar dito sa Pilipinas.

Hindi lingid sa kaalaman ng marami na kapag pinatawanan ang isang tao bilang Persona Non Grata sa isang lugar, hindi ito totally banned pero hindi na ito welcome sa lugar dahil sa kawalang respeto sa mga tao man o sa mismong lugar.

Mga celebrities na pinatawan ng Persona Non Grata

Ang Persona Non Grata ay idinedeklara ng mismong Gobyerno ng lugar o ng pamahalaan.

Rosmar Tan, Rendon Labador at Team Malakas

PHOTO : Rosmar Tan, Rendon Labador at Team Malakas

– Entire Palawan & Coron, Palawan

Idineklara bilang persona non grata ang mga influencer na sina Rosmar Tan, Rendon Labador at Team Malakas sa buong lalawigan ng Palawan.

June 14, pinag-usapan sa social media ang video na inupload ni Rendon dahil sa mainit at magulong komprontasyon sa pagitan ng grupo nila ni Rosmar at ng LGU staff ng Coron, Palawan na si Jocelyn Trinidad.

Agad na nag-viral sa social media ang naturang video ngunit imbes na kampihan, nakatikim ng samu’t-saring batikos ang mga influencers.

Mabilis rin na naghain ng isang resolusyon ang LGU ng lalawigan upang mapatawan bilang persona non grata ang mga influencer na sina Rosmar, Rendon at ang grupong #TeamMalakas.

Pura Luka Vega

PHOTO : Pura Luka Vega

– 9+ Places [ Bohol, Laguna, Nueva Ecija, Cagayan de Oro, Gensan, Manila, Floridablanca, Pampanga, Negros Occidental etc.]

Kotang-kota at labis na minalas ang drag queen artist na si Pura Luka Vega noong 2023 matapos sunod-sunod itong pinatawan bilang Persona Non Grata sa iba’t-ibang sulok ng Pilipinas.

Nag-ugat ang galit ng mga netizens dahil sa kontrobersyal nitong performance ng “Ama Namin” na may rock version habang suot nito ang costume ni Black Nazarene.

Ai-ai delas Alas and Darryl Yap

PHOTO : Ai-ai delas Alas and Darryl Yap

– Quezon City

Pinatawan bilang Persona Non Grata ang komedyante at aktres na si Ai-ai delas Alas kasama ang direktor na si Darryl Yap matapos silang gumawa ng isang social media political video na may pambabastos sa official seal ng Quezon City.

Ang social media video na ito ay inupload taong 2022 sa kasagsagan ng eleksyon, ginaya rin ni Ai-ai si Quezon City Mayor Joy Belmonte bilang si “Mayor Ligaya Delmonte” na ikinagalit ng mga nasasakupan ng alkalde.

Candy Pangilinan

PHOTO : Candy Pangilinan

– Baguio City

Sa isang Mother’s day show noong 2009, nag-perform ang komedyanteng si Candy Pangilinan ngunit hindi nagustuhan ng mga audience ang binitawan niyang punchline.

Aniya : “Akala nyo Igorot ako, hindi ako Igorot, tao po ako!”.

Matapos ibato ni Candy ang naturang joke, ay walang natawa dahil halos lahat ng tao ay nanahimik.

Inulit muli ni Candy ang joke dahil sa pag-aakala ng komedyante na hindi ito naintindihan ng mga tao, ngunit wala parin sa mga audience ang natawa.

Dito na pinatawan ng Baguio City si Candy bilang Persona Non Grata dahil hindi nila nagustuhan ang “Igorot” joke ng komedyante.

Xian Lim

PHOTO : Xian Lim

– Albay

Taong 2015, matapos maimbitahan ang aktor na si Xian Lim na pumunta sa Albay para sa isang selebrasyon ng Chinese New Year, dito na nakuha ni Xian ang kaniyang brilyante bilang Persona Non Grata sa Albay.

Nanawagan ang mga taga-Albay na patawan si Lim bilang Persona Non Grata matapos umanong ipahiya at binastos ng aktor ang isang staff ni Governor Joey Salceda.

Matapos umanong inalok ng staff si Xian ng isang exclusive souvenir ay tinanggihan ito ng aktor sabay sabi “I am not here to promote Albay.”

EZ Mil

PHOTO : EZ Mil

– Mactan, Lapu-lapu City Cebu

Nagbigay ng ingay ang hit song ni EZ Mil na panalo noong 2021, dahilan rin para mag-ingay ang lyrics ng nasabing kanta.

Dahil sa mga hindi kaaya-ayang lyrics ng Panalo ni EZ Mil, gustong ideklara ni Lapu-Lapu City Mayor Junard Chan na Persona Non Grata ang rapper sa lungsod.

Nakarating kasi sa Mayor ng Lapu-Lapu ang kontrobersyal na kanta ni EZ Mil kung saan nakasaad sa lyrics ng kanta na “Pinugutan si Lapu sa Mactan.”

Dahil dito sinabi ng alkalde ng siyudad ng Lapu-Lapu na irerekomenda niya sa sangguniang panglusod na ideklara na Persona Non Grata ang sikat na rapper.

Ayon sa mga batikang mananalaysay sa bansa, walang dokumento ang nagpapatunay kung paano namatay si Lapu-Lapu sa Mactan, ngunit sa lyrics ng kanta, sinabi ni EZ Mil na pinugutan ito ng ulo.

Humingi ng paumanhin si EZ Mil tungkol sa kanyang naging pahayag sa isang virtual press conference na inorganisa ng Wish FM.

Binigyan diin parin ng rapper na hindi niya babaguhin ang lyrics ng kaniyang kanta dahil sa naturang lyrics ay mas lalong umingay at pinag-usapan siya ng mga tao.

Ani EZ Mil: “I do not intend to have a corrected version of the song, because I feel like that’s ruining the integrity that I had within recording it, but it was, you know… It blew up because it made people talk, and I will let it stay that way.”

Read More