Juliana, nanindigang hindi dapat pinahiya ni Carlos Yulo ang ina

Nagbigay ng saloobin si Juliana Parizcova Segovia hinggil sa kontrobersiyang kinakaharap ni Carlos Yulo at ng kanyang ina na si Angelica Yulo.

Matapang niyang ipinahayag ang kanyang paniniwala na ang isang ina, gaano man kalaki ang kanyang pagkakasala, ay hindi dapat itakwil o ipahiya ng kanyang anak.

Matatandaang pinagpiyestahan sa social media ang isyu sa pagitan ni Carlos at kanyang ina matapos niyang isiwalat sa publiko na ninakaw ng kanyang ina ang mga insentibo na nakalaan para sa kanya.

PHOTO : Angelica Yulo and Carlos Yulo

Ang pag-amin na ito ay nagdulot ng matinding kahihiyan sa kanyang ina, na umabot sa puntong nag-public apology ito at umiyak sa harap ng publiko.

Paninindigan ni Juliana sa issue ni Carlos Yulo

Ngunit para kay Juliana, gaano man kabigat ang nagawang kasalanan ng isang ina, nararapat pa rin itong igalang at hindi gawing katatawanan o ipahiya sa publiko.

Ani Juliana sa kanyang Facebook post, “Ako lang to ah! Ewan ko, pero ako, kahit anong maging kasalanan sa akin ng Nanay ko, hinding-hindi ko itatakwil, hinding-hindi ko pagkakaitan ng tagumpay na nakamit ko, hinding-hindi ko ilulubog at ipapahiya sa publiko, AT HINDING-HINDI KO PALULUHAIN NG GANITO… Nakakadurog ng puso na may isang Ina nasasaktan at umiiyak dahil sa pahayag ng isang Anak…”

Gayunpaman, umaasa si Juliana na magkaayos na si Carlos at kanyang ina at mapag-usapan ang kanilang problema nang masinsinan na hindi umano kasama ang girlfriend ni Carlos na si Chloe San Jose, upang maayos ang kanilang gusot nang walang iba pang nakikialam.

Ani Juliana, “Sana maging maayos silang mag-ina, sana makapag-usap sila na dalawa lang sila (hindi kasama si Goldie)…”

Hirit pa ni Juliana, sana raw ay maghiwalay na si Carlos at Chloe, tapos siya na lang ang maging jowa nito.

Aniya, “At sana maghiwalay na sila ni Goldie…Tapos ako na lang jowain nya para maranasan nya ang Golden Tooth…Isang napakasarap na tagumpay yun!”

Samantala, maraming netizens ang sumang-ayon sa saloobin ni Juliana hinggil sa hidwaan ni Carlos at ng kanyang ina.

Komento ng netizens:

“Kong mabuti kang anak at mabait hayaan mo na lang sana ang Mama mo na may sama ng loob sa inyo because of your GF. Pagdating ng panahon hahanapin at hahanapin mo mama mo when it’s too late.”

“Ngayon lang tumama si Juliana.”

“Tama po iyan. Napakasakit bilang isang inay na ang anak ay walang respeto sa magulang.”

“Yes, nanay ay nanay na dapat irespeto kahit ano pa ang pagkukulang o pagkakamali.”

“Labas na talaga si GF sa issue ng mag-ina para maayos agad. GF kailan lang nagkakilala sila, ang Nanay mo maraming sakripisyo sana maging okay na sila. No need na Carlos sumagot against sa nanay mo settle it in private. Congratulations.”

Read More

Angelica Yulo, handang tanggapin si Carlos may pera man o wala

Emosyonal na humingi ng tawad sa kanyang anak na si Carlos Yulo si Mrs. Angelica Yulo kaugnay ng hindi nila pagkakaunawaan na mag-ina.

Sa isang emosyonal na press conference, humarap sa media si Mrs. Angelica kasama ang kanyang legal counsel na si Atty. Raymond Fortun upang tuldukan ang isyu hinggil sa hindi pagkakaunawaan sa pagitan nila ni Carlos, pati na rin sa nobya nitong si Chloe San Jose.

Angelica, iginiit na hindi siya perpektong ina

Sa kanyang pahayag, inamin ni Angelica na siya’y hindi perpektong ina, ngunit ganun din umano si Carlos bilang anak.

Ani Angelica, “Hindi ako perpektong ina, at alam ng Diyos na hindi ka rin perpektong anak. At walang perpektong pamilya.”

Iginiit din ni Angelica na malinis ang kanyang intensyon kung bakit siya nagsasalita, at wala siyang ibang hangad bilang isang ina kundi ang ikabubuti ng kanyang mga anak.

Aniya, “Walang ibang hangad ang isang ina kung hindi ang ikabubuti ng kanyang anak at sa bawat miyembro ng pamilya. Sa paraan nang marahas at maingay, sana’y maunawaan mo na ang intensiyon ko ay malinis.”

PHOTO : Chloe San Jose / Carlos Yulo and Angelica Yulo

Kasunod nito ay inamin ni Angelica na nasaktan siya dahil hindi na umano nakikinig si Carlos sa kanya.

Aniya, “Ako’y isang inang nasaktan dahil ang mabait na anak na pinalaki ko nang maayos at mabuting tao ay hindi na nakikinig sa mga paggabay ng magulang.”

Angelica, humingi ng tawad kay Carlos at sa girlfriend nito

Humingi ng tawad si Angelica kay Carlos dahil sa pagpuna niya sa girlfriend nito.

Ani Angelica, “Kung mali man ang naging pagpuna ko sa nobya mo, humihingi ako ng patawad dahil nanay lang ako na nag-aalala.”

Tungkol naman sa kanyang nasabi sa isang panayam, iginiit ni Angelica na pagod at puyat lamang siya at hindi niya napag-isipan nang mabuti ang kanyang mga sagot.

Ani Angelica, “Gayunpaman, Humihingi ako ng patawad sa iyo at sa sambayanan sa mga nasabi ko sa interview. Pagod at puyat ako sa kapapanood sa iyo noong mga panahon na iyon. Hindi makatulog sa tuwa kahit tapos na ang iyong laban. Hindi ako nakapag-isip nang mabuti nang nirapido ako ng mga tanong ng mga reporter tungkol sa bagay na dapat ay tayo na lamang ang nag-ayos. Patawad, anak.”

Naiintindihan din ni Angelica na maaaring tingnan ng iba na nagsasalita siya dahil sa tagumpay ni Carlos.

Pero iginiit niya na ang kanyang pagsasalita ay hindi dahil sa kasikatan ni Carlos kundi dahil nais niyang magkaroon ng kapayapaan sa kanilang pamilya.

Ani Angelica, “Patawad anak, naiintindihan ko kung iisipin ng iba na kaya lang ako nagsasalita ngayon ay dahil sa iyong tagumpay at kasaganaan. Ako ay nagsasalita para ilagay na sa katahimikan ang isyu.”

Angelica kay Carlos: “Bukas ang ating tahanan, may pera ka man o wala”

Nabanggit din ni Angelica na handa silang mag-usap ng bukas ang loob anumang oras na handa si Carlos.

Bukas din umano ang kanilang tahanan sa pag-uwi ni Carlos, may pera man ito o wala.

Aniya, “Bukas ang ating tahanan, may pera ka man o wala, bukas ang pintuan, kung nanaisin mong bumalik sa amin…Hindi na pwedeng bawiin ang nasabi, ang amin lang handa na ako at ang papa mo na mag-usap tayo na bukas ang loob anumang oras na handa ka pag-uwi mo upang maayos ito.”

Sa pagtatapos, emosyonal na nagpasalamat si Angelica kay Carlos para sa karangalang inuwi nito para sa bansa.

Aniya. “Caloy, congratulations sa iyong tagumpay, mahal na mahal ka namin, anak.”

Hiniling din niya sa publiko na ipagdiwang ang tagumpay ni Carlos at hindi na palakihin ang isyu.

Aniya, “Sa sambayanan naman. Sana ay ipagdiwang na lang natin ang tagumpay ng anak ko. Gumawa ang anak ko ng kasaysayan para sa ating bansa. Lahat tayo ay magpasalamat kay Caloy para sa karangalang iuuwi niya para sa bayan.”

Read More

Video ng aktres na si Marian Rivera matapos nagmura, viral

Nag-viral at naging usap-usapan sa social media ang video ng “Kapuso Primetime Queen” na si Marian Rivera matapos itong nagmura.

Nawindang ang maraming netizens dahil sa lutong ng mga binitawang mura ni Marian.

Ang video ay ibinahagi ng GMA Network sa kanilang social media account.

Makikitang kuha ito sa presscon ng Cinemalaya movie ni Marian na “Balota”.

Marian Rivera, bumida sa pelikulang “Balota”

Ang nasabing pelikula ay isinulat at dinirek ni Kip Oebanda na prinoduce naman ng GMA Pictures at GMA Entertainment Group.

Mula nang mag-premiere ito nitong nakaraang linggo, naging usap-usapan ang pelikula matapos itong makakuha ng kaliwa’t kanang papuri mula sa manonood.

PHOTO : Marian Rivera in Balota

Ang Balota ay tungkol sa laban ng isang land-grabbing tycoon at dating male sexy actor para sa pagka-mayor.

Gumaganap bilang “Teacher Emmy” si Marian, kung saan malaki ang kanyang papel para masiguro na malinis ang eleksyon.

Nang pumutok kasi ang gulo sa pagitan ng dalawang partido, tumakbo sa gubat si Marian bitbit ang huling kopya ng resulta ng eleksyon o balota.

Viral video ng pagmumura ni Marian

Samantala, muling inulit ni Marian ang kanyang makapanindig-balahibo na linya sa pelikula kung saan malutong siyang nagmura.

Mapapanood sa video na nag-request pa si Marian na i-zoom ang video habang binabanggit niya ang mga salitang : “Paulit-ulit na lang put*ng*na!”.

Umani ng papuri ang madamdaming pagbigkas  ni Marian sa nasabing linya, dahil sinasalamin nito ang damdamin ng bawat Pilipino.

Para naman kay Marian, ang kanilang pelikula ay tila isang “wake up call” para sa Pilipino na protektahan ang kanilang mga boto at ang resulta ng eleksyon.

Aniya, “Siguro ang pinakamensahe no’n, nakikita naman natin kung anong nangyayaring mga proseso. Kung baga ito, ang pelikulang ‘Balota,’ ay wake up call para sa atin na ‘pag pinagsama-sama natin ang mga boto natin, mahalaga ito. Kaya nga sabi ni Teacher Emmy, ‘Sa araw na ito, malakas ang boses ko at pinakikinggan ako.’ So, sana ma-realize ng mga tao ‘yon.”

Marian, hindi kumuha ng double kahit masugatan sa eksena

Talagang napaka-espesyal para kay Marian ang pelikulang “Balota”.

Sa katunayan, ikwenento niyang hindi siya pumayag na magkaroon ng double dahil gusto niyang maramdaman ang bawat eksena.

Ani Marian sa isang panayam, “Sabi ko, ‘Direk, ayoko, ayoko [ng body double]. Kaya ko naman, grabe naman kayo sa akin.’ Sabi ko nga, ‘Na-miss ko ‘yung mga fight scene ko. Pag nag-eksena ka na, ‘yung adrenaline mo sa pag-arte mo, parang hindi mo na iisipin kung…’Ay masusugatan ako.’ Pag ganu’n ang inisip mo, parang hindi maganda ‘yung kalalabasan.”

“No filter talaga lahat eh. ‘Pag sinabi kong no filter, hitsura, lines at mga ginagawa. Lahat talaga, raw,” dagdag niya.

Mapapanood mula August 2 hanggang 11 ang pelikulang Balota sa mga sinehan.

Read More

Anthony Ammirati, sumabit ang burat kaya natalo sa Paris Olympics

Malaking kabiguan para kay Anthony Ammirati ang naging hadlang sa kanyang minimithing gintong medalya sa Paris Olympics 2024.

At ito ay walang iba kundi ang kanyang malaking pagkalalaki.

Masasabing “ultimate dream” ng bawat atleta ang manalo sa Olympics.

Ang insidente sa 2024 Paris Olympics

Si Anthony Ammirati, na sumikat dahil sa kanyang kagalingan sa pole vaulting, ay nag-viral hindi dahil sa nasungkit niya ang gold medal sa 2024 Paris Olympics, kundi dahil sa isang kakaibang insidente.

Sa kanyang pagsubok kasi na tumalon ng 5.70 metro, ay biglang nahagip ng kanyang pagkalalaki ang pole, dahilan upang bumagsak ito.

PHOTO : Anthony Ammirati

Dahil dito, hindi siya nakapasok sa finals at nagtapos lamang sa ika-12 na pwesto.

Ngunit ang kwentong ito ay nagkaroon ng kakaibang twist.

Adult website, inalok si Anthony Ammirati ng $250,000 dahil sa kanyang malaking nota

Tila blessing in disguise kasi ang nangyari kay Anthony Ammirati dahil hindi man niya nasungkit ang gintong medalya sa Paris Olympics 2024, isang malaking offer naman ang kanyang natanggap. 

Base sa ulat ng TMZ, ang popular na adult entertainment site na CamSoda ay nag-alok kay Ammirati ng $250,000, o mahigit 14.3 million kung ico-convert sa peso, kapalit ng isang 60-minutong webcam show. 

Pahayag ng Vice President ng CamSoda na si Daryn Parker, “If it was up to me, I’d award you for what everyone else saw, your talent below the belt.” 

Dagdag pa niya, “As a lover of crotch-centric activities, I’d love to offer you up to $250,000 in exchange for a 60-minute webcam show, in which you show off your goods, minus the crossbar, of course.”

Anthony Ammirati, malungkot sa nangyari

Bagaman malaking tukso para sa iba ang ganitong alok, tila hindi interesado si Ammirati. 

Sa katunayan, hindi maitatanggi na malungkot siya sa kinalabasan ng kanyang unang Olympic appearance. 

Ang kanyang pangarap na magwagi para sa France ay nauwi sa isang kakaibang viral moment. 

Sa kanyang pahayag sa French Athletics Federation, sinabi niya, “It’s a big disappointment. I’m a bit gutted, because I didn’t miss anything on the third attempt at 5.70 m. What I did miss was a bit of jumping in training to fine-tune the settings.”

Read More

Carlos Yulo, kinampihan ang girlfriend laban sa kanyang ina

Nagsalita na ang two-time Olympic gold medalist na si Carlos Yulo tungkol sa mga paratang ng kanyang ina laban sa kanyang girlfriend na si Chloe San Jose.

Matatandaang kamakailan lamang, naging mainit na usapin ang pahayag ng ina ni Carlos na si Angelica Yulo kung saan sinabi niyang nagsimula ang hidwaan nilang mag-ina dahil kay Chloe.

PHOTO : Angelica Yulo and Chloe San Jose

Carlos Yulo, ipinaglaban ang girlfriend sa kanyang ina

Sa isang TikTok video noong Martes, August 6, kinumpirma ni Carlos na totoo ang sinabi ng kanyang ina.

Ngunit nilinaw niyang dahil ipinaglaban lamang niya si Chloe mula sa ina na simula’t sapul ay hindi na raw nito gusto kahit hindi pa niya ito nakikilala.

Ani Carlos, “Opo, totoo po yon. Dahil unang-una pa lang, ayaw na niya kay Chloe kahit na hindi pa niya nakikita or nakikilala in person. Mas nagkalabuan po kami noong naglagay ako ng boundaries sa relationship ko kasi pinaglaban ko po si Chloe dahil gusto ko po siya, e.”

Ipinagtanggol din ni Carlos si Chloe mula sa panghuhusga ng kanyang ina dahil lamang sa pananamit at kilos nito.

Ani Carlos, “Yung about sa red flag daw po si Chloe na sinabi ng mama ko, hinusgahan niya po agad si Chloe sa pananamit at sa pag-akto po niya. Magkaiba po [kami] ng kinalakihan. Unang-una po, lumaki si Chloe sa Australia. At ayun yung kinagisnan niyang culture na ibang-iba po talaga sa Pilipinas — kung paano tayo gumalaw, magsalita o manamit po.”

Carlos Yulo, iginiit na hindi siya hinuhuthutan ng pera ng kanyang girlfriend

Mariin ding pinabulaanan ni Carlos ang paratang ng kanyang ina na huhuthutan lamang siya ni Chloe ng pera.

Giit ni Carlos, “May sariling income si Chloe. Lahat ng nakikita niyang gamit o yung pagta-travel niya ay galing sa kanyang pinagpaguran.”

Dagdag pa niya, “Bakit naman po ako mauubos? Lahat ng bank accounts ko ay nasa mama ko. May mga instances pa nga na si Chloe ang sumusuporta sa akin.”

Isyu sa pagtira sa apartment sa Japan

Pinabulaanan din ni Carlos ang kwento ng kanyang ina tungkol sa pagtira ni Chloe sa kanyang apartment habang siya ay nagte-training sa Japan.

Ayon kasi kay Angelica, tumuloy si Chloe sa apartment ni Carlos kahit bawal umano ito.

Natuklasan daw niya ito dahil dapat sana ay kasama ni Carlos sa kanyang apartment ang isang kapatid nito at teammate.

Pero hindi siya pumayag na tumira ang mga ito kasama sina Carlos at Chloe dahil menor de edad pa ang mga ito.

Nangangamba si Angelica na may makitang hindi angkop ang kanyang anak, lalo pa raw at madalas ibalandra ni Chloe ang kanyang pwet.

Unang-una, iginiit ni Carlos na hindi bawal ang outsider sa kanyang apartment.

Ani Carlos, “At yung sinasabi po niya na dapat wala daw pong outsider or guest daw po doon sa apartment ko po, hindi rin po yun totoo. Kasi, wala naman naka-indicate sa contract na bawal yung guest or outsider sa loob ng apartment ko.”

Hindi rin umano totoo ang sinabi ni Angelica na maging ang kanyang dating coach ay hindi sang-ayon sa pagtuloy ni Chloe sa kanyang apartment sa Japan.

Ani Carlos, “Actually, invited po si Chloe ng former coach ko from Japan nung SEA Games pa lang po sa Vietnam.”

Sa huli, ipinarating ni Carlos sa kanyang ina na hindi sila gagawa ni Chloe ng anumang hindi nararapat habang nandoon ang kanyang mga kapatid.

Ani Carlos, “Yung sinasabi niya po na nandoon yung dalawang bata po, at nakabalandra daw yung puwet po [ni Chloe], bilang nakakatandang kapatid po, bilang boyfriend ni Chloe po, at bilang ate at kuya po, kami po, aalagaan po namin sila.

“Hindi namin po gagawin yung mga iniisip niya na ganun. Ang dumi niya mag-isip. At hindi appropriate yun para sa akin at disrespectful yun actually sa akin and kay Chloe po,” giit ni Carlos.

Read More

Ryza Cenon, napaiyak dahil sa ginawa sa kaniyang bagong bahay

Para kay Ryza Cenon, ang kanilang bagong bahay ay nagdala ng matinding stress at pagkabigo matapos lumabas ang mga sira nito.

Ang pagkakaroon ng sariling bahay ay isang malaking hakbang para sa bawat pamilya.

Ito’y simbolo ng tagumpay at katuparan ng mga pangarap.

Mga Problema sa konstruksyon ng bahay ni Ryza Cenon

Sa kanyang pinakabagong vlog, kung saan nagbigay siya ng house tour sa kanilang bagong bahay, inamin ni Ryza Cenon na sobra siyang na-stress habang pinapagawa ang kanilang tahanan.

PHOTO : Ryza Cenon house tour

Aniya, “Maraming nangyari. Mahigit dalawang taon sigurong ginagawa yung bahay. Nagkaroon din ng problema at basta, stressed ako. Buti na lang talaga nagpakalbo ako kung hindi lagas-lagas na yung buhok ko sa sobrang stress.”

Kwento niya, nagkaroon ng mga problema sa finishing ng bahay, na nagresulta sa paulit-ulit na pagbalik ng mga manggagawa upang ayusin ito.

“Maraming naging problema sa finishing at lahat. So, madaming binalikan, at ginawa ulit, at binalikan ulit,” dagdag pa niya.

Ayon kay Ryza Cenon, kahit natapos na ang kanilang bahay, hindi agad sila nakalipat ng kanyang non-showbiz partner na si Miguel Antonio Cruz at anak nilang si Night dahil marami pa silang kailangang ayusin.

Hindi pa rin umano kumpleto ang mga gamit dito dahil marami pang problema na kailangan ayusin.

May pagkakataon din na isang buwan silang tumira sa hotel matapos magkaroon ng bitak ang dingding ng kanilang bagong bahay.

Aniya, “Ang hirap kumpletuhin kasi palabas-pasok kami sa bahay. May mga times na hindi muna kami dito titira, magche-check in muna kami sa hotel dahil gagawin yung bahay dahil merong sira, o nagka-cracks yung walls o something.”

“So, medyo stress. Pero, well ganun talaga. Ganun ba talaga iyon? Hindi ko alam dahil first time kasi namin magkaroon ng bahay at magpagawa ng house,” dagdag niya.

Noong Pebrero sila lumipat sa kanilang bagong bahay, ngunit hindi nagtagal, marami silang natuklasang problema na kinailangang ayusin ng mga kontratista.

Aniya, “Lumipat kami nung Pebrero, then madaming naging problema na ginawa at pinalitan ng contractors. Ang dami kasing nag-crack na walls, meron din sa stairs. Nag-crack yung mga wood pati yung main door.”

Hindi happy sa kinalabasan ng kanyang bagonog bagay

Bagamat natapos na ang konstruksyon, ramdam pa rin ni Ryza Cenon ang pagkabigo sa kinalabasan ng kanilang bahay.

Aniya, “Medyo hindi kami ganon ka-happy sa naging outcome ng pinaka-finishing ng bahay.”

Para kay Ryza Cenon, ang kanilang bagong bahay ay tila isang ni-renovate na bahay sa halip na bagong gawa.

Aniya, “Pangit mang pakinggan pero parang hindi siya new house kung ide-describe mo kasi hindi siya malinis. Parang mukha siyang ni-renovate na house. Parang ganun yung feel.”

Dagdag niya, sa unang tingin ay maganda at kaaya-aya umanong tingnan ang kanilang bahay, pero sa malapitan ay mapapansing hindi pulido ang paggawa nito.

Aniya, “Kung titingnan niyo yung house sa malayo, maganda naman talaga siya—yung design, kulay, everything maganda naman po. Pero once na tiningnan niyo closely yung details ng house, yung finishing ng house, medyo hindi po ganun kapulido.”

Sa huli, pinayuhan ni Ryza Cenon ang netizens na pumili nang maayos na contractor kapag magpapagawa sila ng bahay.

Aniya, “Kapag kayo naman po yung nagpagawa, at least alam niyo na po yung first step, maging mapanuri sa pagkuha ng contractor.”

Read More

Ina at Girlfriend ni Carlos Yulo, may bangayan sa social media

Pinagpipiyestahan ngayon sa social media ang hidwaan sa pagitan ng ina at girlfriend ng Pinoy gymnast na si Carlos Yulo.

Matapos ang makasaysayang pagkapanalo ni Carlos ng dalawang gold medals sa 2024 Paris Olympics, nabunyag sa publiko na hindi maayos ang relasyon ngayon ni Carlos at ang kanyang ina na si Mrs. Angelica Poquiz Yulo.

PHOTO : Angelica Yulo and Carlos Yulo

Ang itinuturong dahilan? Walang iba kundi ang girlfriend ni Carlos na si Filipino-Australian vlogger na si Chloe Anjeleigh San Jose.

Carlos, hindi binati ng ina

Unang napansin ng maraming netizens na may hindi magandang relasyon si Carlos at ang kanyang ina nang hindi siya batiin nito sa social media.

Marami rin ang naintriga sa Facebook post ni Angelica noong August 1, kung saan pinuri niya ang pambato ng Japan na si Shinnosuke Oka, na nakasungkit ng gold medal sa men’s all-around gymnastics category kung saan pang-12 pwesto lang si Carlos.

Ani Angelica, “Japan pa din Talaga.. Lakas.”

Matapos manalo si Carlos, inulan ng komento ang nasabing post ni Angelica.

Ina ni Carlos Yulo, nilustay ang kanyang pera?

Marami rin ang nagsabing pera ang dahilan ng hidwaan nina Carlos at Angelica.

Ayon sa ilang ulat, ginalaw o nilustay umano ni Angelica ang pera ni Carlos sa bangko nang hindi nito alam.

Agad namang nagsalita si Angelica tungkol dito upang ipagtanggol ang kanyang sarili.

Sa isang viral na video sa social media, mapapanood ang interview ng isang radio station kay Angelica kung saan idinetalye niyang nagkaroon sila ng hindi pagkakaunawaan ni Carlos matapos itong kumuha ng affidavit of loss dahil sa nawalang passbook nito.

Ani Angelica, “Since hawak ko yung passbook niya, nagpasa siya ng affidavit of loss. Got it notarized tapos pinasa niya sa BDO. So syempre, sa kanya lang nakapangalan yun. Kaya may right talaga siya na kunin yung pera niya. Kaya lang kasi, hindi ko in-expect sa ganung paraan. Kasi binigyan ko pa siya ng benefit of the doubt na kukunin niya sa amin nang maayos na [paraan]. Ibibigay naman namin.”

Binigyang-diin ni Angelica na hindi niya “ninakaw” ang pera ni Carlos.

Aniya, “As far as I remember, December 2022, nagpunta kami ng bangko nag-update pa kami ng signature niya. Ngayon, kung ako after ako sa pera niya, that time kasi alam ko iba na yung feeling ko. That time, sana sinabi ko sa kanya mag-joint account kami. Pero never kong sinabi. Hindi ko ginawa.”

Dagdag niya, “Nakuha naman ni Caloy nang buung-buo sa BDO yung pera niya na nagkakahalaga ng PHP11 million. So, nakuha niya yun […] Wala kaming ninakaw, wala kaming ginalaw na pera niya. Siguro meron portion na hindi man lang sabihin mong aaray yung bulsa niya.”

Girlfriend ni Carlos, itinuro ng kanyang ina na dahilan ng kanilang hidwaan

Labis namang ikinagulat ng marami nang ituro ni Angelica ang girlfriend ni Carlos na si Chloe na dahilan ng kanilang hidwaan.

Ani Angelica, “Ang naging mitsa lang naman ever since is ‘yung babae talaga.”

Nagsimula raw magkagulo ang lahat nang matulog si Chloe sa dorm ni Carlos noong kasagsagan ng 2020 Tokyo Olympics.

Kwento ni Angelica, dapat sana ay ang kapatid ni Carlos na si Eldrew at national player na si Miguel Besana ang kasama ni Carlos sa dorm nito pero hindi ito natuloy dahil naroon si Chloe.

Ibinunyag din ni Angelica na maging ang dating coach ni Carlos ay hindi nagustuhan ang presensya ni Chloe dahil hindi raw magandang tingnan ang maikling kasuotan nito kung saan kita na ang pwet nito.

Ani Angelica, “Patutulugin ko ‘yung anak ko, menor de edad, kasama siya at ‘yung babae? Pangalawa, si Miguel, hindi rin siya papayagan ng parent niya […] Siyempre, mahirap ‘yun. Puro lalake eh na anything na mapatingin or something. Actually, ‘yun din sabi ni coach Mune na baka mapatingin sa pwet dahil nakakalat, maging masama ‘yung bata. At alam ko, Christian talaga sila ‘yung papa ni Miguel kaya hindi niya iallow ‘yun.”

Girlfriend ni Carlos na si Chloe Anjeleigh San Jose may mensahe sa kanyang ina

Samantala, viral naman ang latest Facebook post ni Chloe kung saan nagbigay siya ng mensahe sa ina ni Carlos.

Aniya, “Mother dear, I’m gonna hold your hand when I say this. Pero wait ka lang, tapusin lang po namin ‘yung vault finals – paki-on na your comment section po ah, hindi ‘yung nag-dedelete ka pa + off com sec.”

“Japan pa din talaga. Lakas. But malakas din naman si Carlos Edriel Yulo. God is with him,” dagdag niya.

Sa ngayon ay wala pang pahayag si Carlos hinggil sa isyung kinakaharap ng kanyang ina at girlfriend.

Read More