Chloe San Jose, nagsimula na sa kanyang unli shopping

I-flinex ni Chloe San Jose ang pagsa-shopping nila ng kanyang boyfriend na si two-time Olympic gold medalist Carlos Yulo sa Paris.

ICYMI, lumipad pabalik ng Paris si Carlos noong September 4 para suportahan ang mga atletang Pinoy na sasabak sa Paralympic Games.

Ayon sa kanyang Facebook post, “Embarking on the journey to meet alike athletes that ‘started’ their impossible. I am excited to share more about my upcoming Paris trip to meet other Team Toyota members at the Paralympic Games!”

Sa kanyang pagbabalik, kasama ni Carlos si Chloe.

Chloe San Jose at Carlos Yulo, enjoy sa pagsa-shopping sa Paris

Pero bukod sa pagsuporta sa Team Philippines sa Paralympic Games, hindi rin pinalagpas nina Carlos at Chloe ang makapag-shopping.

Sa Instagram stories ni Chloe ngayong Lunes, September 9, nagbahagi siya ng ilang larawan nila ni Carlos pagkatapos nilang mag-shopping.

Makikitang tatlong malalaking shopping bags din ang naiuwi nina Carlos at Chloe mula sa kanilang shopping spree.

Halata namang sobrang nag-enjoy sila base na rin sa laki ng kanilang mga ngiti.

Chloe, may patama sa ina ni Carlos na si Angelica Yulo

Samantala, agaw-pansin naman ang inilagay na caption ni Chloe sa kanyang post na tila patama niya sa ina ni Carlos na si Angelica Yulo.

Ayon kasi kay Chloe, “Di aaray for today’s shopping spree, siguro meron portion lang.”

Matatandaang sa isang interview, iginiit ni Angelica na wala siyang ninakaw mula sa pera ni Carlos. 

Ngunit inamin niyang may ginalaw sila ng kanyang asawa, pero hindi raw aaray ang bulsa ni Carlos sa halaga nito.

Ani Angelica, “Wala kaming ninakaw, wala kaming ginalaw na pera niya. Siguro meron portion na hindi man lang sabihin mong aaray yung bulsa niya.”

Netizens, imbyerna kay Chloe

Marami naman ang hindi natuwa sa pag-flex ni Chloe sa pagsa-shopping nila ni Carlos.

Ayon pa sa netizens, talagang sinasadya umano ni Chloe na paringgan ang pamilya ni Carlos at ipamukha sa mga ito na habang sila ay naghihirap, siya naman ay nagpapakasaya gamit ang pera na napanalunan ni Carlos.

PHOTO : Angelica Yulo, Chloe San Jose and Carlos Yulo

Matatandaang nag-viral kamakailan ang pagla-live selling ng ina ni Carlos ng mga damit, habang kinaawaan naman ang kanyang ama na si Mark Andrew matapos nitong ipakita na nagbibisikleta siya papunta ng trabaho kahit umuulan.

Mga komento ng netizens : “Shopping pa more… talagang iniinggit ni Goldig ang Yulo Family.”

“Di nakakatawa.. they’re just adding insult to the injury.. how insensitive.. Madddd.”

“Style niya ‘yan para mainis lalo ang pamilya ni boy at solo na niya to the max.”

“Di man lang naisip nitong si Caloy kung may ulam ang mga magulang niya. Matiis niyang mamuhay sa karangyaan samantalang ang pamilya niya ay naghihirap.”

Read More

Mystica, nasaktan sa ginagawa ni Carlos Yulo sa kanyang ama

Viral ang isang video ng ama ni Carlos Yulo na si Mark Andrew Yulo, kung saan makikita siyang nagbibisikleta papuntang trabaho kahit na umuulan.

Makahulugan ang caption ni Mark Andrew sa kanyang video na: “Pilipinas Kong Mahal”.

Ang pagbibisikleta ni Mark Andrew papuntang trabaho kahit umuulan ay mabilis nga na nakakuha ng simpatya mula sa maraming netizens.

PHOTO : Carlos Yulo and Mark Andrew Yulo

Kabilang na sa mga naawa kay Mark Andrew ang dating singer na si Mystica.

Mystica, may bwelta kay Carlos Yulo

Hindi nga napigilan ni Mystica ang kanyang damdamin at nagbigay siya ng reaksyon tungkol sa sitwasyon ng ama ng Olympic gymnast.

Sa kanyang Facebook post, ipinahayag ni Mystica ang kanyang awa kay Mark Andrew, habang pagkadismaya naman kay Carlos.

Ayon kay Mystica, wala umanong problema kung gusto ni Carlos na lumayo sa mga magulang nito para makamtan ang kanyang freedom.

Pero hindi umano tama na kayang tiisin ni Carlos na magbisikleta lang ang kanyang ama kahit umuulan habang siya ay mayroong milyon-milyong pera.

Giit pa ni Mystica, bilang anak ay hindi umano kaya ng kanyang konsensya na makita ang kanyang magulang sa kalagayan ng ama ni Carlos.

Ani Mystica, “MALI NA TALAGA ITO. KUNG AKO SI CARLOS “CALOY” YULO, OK LANG NA IHIWALAY ANG SARILI KO SA AKING MGA MAGULANG IN ORDER TO ENJOY MY FREEDOM PERO YUNG TITIISIN KONG MAKITA NA NAKABISIKLETA LANG ANG TATAY KO INSPITE OF THE MILLIONS I HAVE, HINDI KO YATA MASISIKMURA AT MAKAKAYANAN NG KONSENSIYA KO NA MAKIKITA SIYANG GANITO!”

Dagdag pa ni Mystica, kahit noong may malalim siyang galit sa kanyang pamilya, hindi niya natiis na hindi sila tulungan kung saan binibigyan pa rin umano niya ang mga ito ng bahay at sasakyan.

Aniya, “ABA, DITO NA AKO HINDI SUMASANG-AYON KAY CARLOS “CALOY” YULO. KAHIT MAY MALAKING GALIT AKO NOON SA PAMILYA KO, I STILL MADE SURE NA ILANG BESES KO SILANG BINIGYAN NG BAHAY AT SASAKYAN DAHIL HINDI KO MATIIS NA MASAGANA ANG BUHAY KO PERO SILA HINDI! “

Sa kanyang pahayag, malinaw ang pagkadismaya ni Mystica sa nakikita niyang sitwasyon ng pamilya ni Carlos, lalo na’t isa ito sa mga atleta ng bansa na tinitingala dahil sa kanyang tagumpay sa larangan ng gymnastics.

Hindi lingid sa kaalaman ng marami na may hidwaan sa pagitan ni Carlos at ng kanyang pamilya, na nag-ugat sa mga isyu tungkol sa pera at sa pagtutol ng kanyang pamilya sa kanyang girlfriend na si Chloe San Jose.

Read More

Pastor Apollo Quiboloy, nahuli na matapos mag-surrender

Ilang linggo matapos pasukin ng mga PNP ang Kingdon Of Jesus Christ sa Davao City, sa wakas at nahuli na ang wanted na si Pastor Apollo Quiboloy.

September 8, kinumpirma ni Department of the Interior and Local Government (DILG) Secretary Benhur Abalos sa kanyang social media account na nahuli na ang Pastor.

“NAHULI NA PO SI APOLLO QUIBOLOY,” ani DILG Sec. Abalos.

August 24, tinatayang umaabot sa 2,000 kapulisan ang nag-aabang sa KOJC Davao City compound para mahain ang arrest warrant laban kay Pastor Quiboloy.

Para naman kay PNP Regional Office 11 chief Brig. Gen. Nicolas Torre III, malaking kaginhawaan umano ang pagka-aresto sa Pastor matapos ang ilang araw nilang paghahanap.

Aniya : “It’s a relief. Malaki ang relief. Matutulog muna ako.

“I was informed by the secretary (Abalos) that Quiboloy has already surrendered. So nahuli na. Hindi ko alam ang details,

“Ako po ay nagpapasalamat ating kapulisan. Sama-samang tulong sa misyon na ito. I do hope na kapit lang. Marami pa tayong trabaho sa future.” dagdag ni Torre.

Warrant Of Arrest kay Pastor Apollo Quiboloy

Matatandaang bigla na lamang naglaho si Quiboloy matapos maglabas ng mga warrant of arrest laban sa kanya at sa iba pa noong Marso. 

Ang mga warrant ay inisyu nina Senate President Juan Miguel Zubiri at Senator Risa Hontiveros matapos hindi dumalo si Quiboloy sa pagdinig ng Senate Committee on Women, Children, Family Relations, and Gender Equality.

PHOTO : Pastor Apollo Quiboloy GMA news

Dahil dito, inanunsyo ni Department of Interior and Local Government (DILG) Secretary Benhur Abalos noong Lunes, July 8, na magbibigay sila ng pabuya na P10 milyon para sa sinumang makapagbibigay ng impormasyon na magdudulot sa pagkaka-aresto ni Quiboloy. 

Ani Abalos, “Gusto ko pong i-anunsyo sa mga nanunuod at nakikinig na meron tayong mga kaibigang gustong tumulong sa paghahanap sa kanila at nag-ooffer ng reward ng P10 million for any information leading to the arrest of Pastor Quiboloy.”

Bukod kay Quiboloy, may alok din na P5 milyon, o P1 milyon bawat isa, para sa makapagtuturo sa kinaroroonan ng iba pang limang kasabwat ni Quiboloy.

Read More

Ina ni Chloe, nagsalita na tungkol sa tinatagong anak ni Goldie

Nakipag-ugnayan at nagsalita na ang biological mom ni Chloe San Jose na si Maria Fe San Jose exclusibo, sa news website na “Balita“.

Hindi na umano nag-dalawang isip ang ina ni Chloe na si Maria Fe San Jose para magsalita dahil maraming fake informations na ang lumalabas sa social media, nadadamay na rin umano ang mga inosente niyang mga anak.

Sa pamamagitan ng legal counsel at spokesperson ni Maria Fe na si Atty. James Mark Padrones Ciudadano, isa-isa nitong sinagot ang mga issue na binabato sa kanila dahil matapos pumutok ang issue ni Chloe sa pamilya Yulo, umingay na rin ang pangalan nito at apektado na ang pribado nilang pamumuhay.

Nagpadala rin ng kopya ng SPA o “Special Power of Attorney” si Atty. Ciudadano sa “Balita” upang patunayan na siya ang lehitimong legal counsel at spokesperson ni Maria Fe.

Relasyon ni Chloe San Jose at Maria Fe

Kinumpirma ni Atty. Ciudadano sa “Balita” na hindi maganda ang relasyon ng mag-ina dahil sa malaking gap sa “values” at “parenting issues” nina Chloe at Maria Fe.

Tila nagkaroon umano ng gap sa pagitan ng parenting style ng isang Pilipino sa kinagisnang parenting style sa Australia kung saan si Chloe lumaki.

Ani Atty. Ciudadano : “It is true, even before Carlos and Chloe met, my client [Marie] and Chloe already were having a difficult relationship due to the difference of ideas regarding parenting over the then minor Chloe,

“The gap started as I said Chloe was a minor then, a few years before reaching 18 years old, she was insisting on her way, and my client retaining her Filipino values, being a protective mother and having the best interest of Chloe in mind, did not agree, consequently the frequent clash of ideas led to the gap.” dagdag ni Atty. Ciudadano.

Nilinaw rin ni Atty. Ciudadano na :”hindi totoo” na umabot sa demandahan ang problema ng mag-ina gaya na lamang sa mga lumalabas na fake informations sa social media, hindi umano nagsampa ng kaso si Maria Fe laban kay Chloe at gayundin si Chloe laban sa kanyang ina.

Chloe San Jose, may anak umano na tinatago?

Kung ating babalikan, lumabas din ang mga chismis na may anak na umano si Chloe at tinatago niya lamang ito sa publiko.

PHOTO : Chloe San Jose and Carlos Yulo

Nakarating rin mismo kay Chloe ang naturang chismis at agad niyang sinagot ang isang netizen na nagkomento tungkol sa anak niya diumano.

Ani Chloe : “Bigyan kita ng award pag nahanap mo yung anak ko na sinasabi mo.”

“Chloe does not have a baby as far as we know, and the picture that is spreading stating that it is Chloe’s alleged baby, is actually her younger brother,” pahayag ni Atty. Ciudadano.

Read More

Mark Andrew Yulo, sayang umano ang semilya niya kay Carlos

Viral sa social media ang live ng ama ni two-time gold medalist Carlos Yulo sa social media na kung saan may pabirong banat ito tungkol sa atleta.

Tila aktibo na ang ama ni Carlos na si Mark Andrew sa social media at hindi na naka-locked ang profile nito, madalas din itong nagla-live sa kanyang account at natutuwa sa mga stars at pera na ipinapadala sa kanya.

Sa kasalukuyan ay mayroon ng 36k followers si Andrew at sa Facebook live ni Mark noong Septemer 6, may isang viewer ang napa-komento na sinabing malapit lang umano siya sa condo unit na tinutuluyan ni Carlos sa Taguig City.

Sagot ni Mark Andrew : “Pakibatukan nga si Caloy diyan. Malapit ka pala sa condo niya. Pakibatukan nga si Caloy diyan kapag nakita mo.”

Isa rin sa mga viewers ni Mark Andrew ang napa-komento kung kung ginagatasan nila ang kanyang anak na si Carlos, sagot ni Mark : “Paano ko ginatasan? Baka ako ang ginatasan ni Caloy. Kinuha niya yung semilya ko tapos ginanyan lang niya kami?”.

Matapos sinagot si Mark ang mga tanong ng kanyang viewers ay agad nitong nilinaw na nagbibiro lamang siya.

Mark Andrew Yulo, pinagsabihan si Carlos

Kung ating babalikan, hindi na napigilan ng ama ni Carlos ang pagsabihan at pangaralan ang kaniyang anak tungkol sa personal na isyu nilang mag-pamilya.

Matapos magbahagi si Carlos ng isang positibong mensahe sa kanyang social media account tungkol sa kanyang Paris Journey ay dito na nagkomento ang ama ng atleta.

Sa post ni Carlos : “Embarking on the journey to meet alike athletes that ‘started’ their impossible. I am excited to share more about my upcoming Paris trip to meet other Team Toyota members at the Paralympic Games!”

PHOTO : Mark Andrew Yulo and Carlos Yulo

Sa kabila ng positibong post na ito ng atleta ay agad na nagkomento dito ang ama ni Carlos para pagsabihan at pangaralan ang kanyang anak.

Ani Mark Andrew Yulo : “Masaya ako sa narating mo nak [emojis] Pero dapat mag-sorry ka sa nanay mo na sinabihan mong magnanakaw [emojis] para luminis yang imahen mo.”

Marami naman sa mga netizens ang nagulat at nagbigay ng iba’t-ibang reaksyon tungkol sa naging komento ng ama ni Carlos sa kanyang social media post.

May mga sumang-ayon sa ama ng atleta at may iilan rin na kumakampi parin kay Carlos.

Anila : “Wala tayo alam sa totoo pero ang alam ko lang kahit anong sama ng magulang, magulang mo pa din yan, nong panahon d mo pa kaya ang magulang ang umalalay sayo. Nong maliit ka.”

“Normal sa mga nanay na makapagsalita ng hindi maganda sa kanilang mga anak dala yun ng bugso ng galit lalu na pag gusto ka nila disiplinahin at ayaw natin makinig pero sa kailaliman ng puso nila ay iba at nasasaktan sila sa ginagawa nila.”

Read More

Chloe, magpapa-tiwakal kung babalik si Carlos sa kanyang Pamilya

Usap-usapan sa social media ang tungkol sa pagba-banta umano ni Chloe San Jose na magpapa-tiwakal kung sakaling bumalik si Carlos Yulo sa kanyang pamilya.

Kung ating babalikan, ibinahagi ng ama ni Carlos na si Mark Andrew sa social media ang tunay na ugali ni Chloe San Jose sa pamamagitan ng isang shared post.

Sa naturang shared post ng isang Facebook user na may pangalang Gerald Fajardo, dito na nai-kwento ang mga bagay bagay na ginawa ni Chloe para lumayo ang loob ni Carlos sa kanyang pamilya.

Bahagi ng post ni Gerald : “After mong isiksik yung sarili mo [Chloe] sa PAMILYA nya, biglang itutulak mo sila palabas? BUO ang pamilya nyan. Sinira mo…”

Ayon kay Gerald na hinusayan umano ni Chloe na mawala sa paligid ang bawat tayo na tunay na sumusuporta kay Carlos lalo na ang kanyang pamilya.

“Yang sinasabi mong ikaw ang kasama sa journey ni caloy sa OLYMPICS , OO… Ikaw nga, ikaw nga talaga. Kase hinusayan mong alisin ang bawat tao sa paligid nya..sinigurado mong mawawala sila.

“Sinabi mong hindi ka priority ni CALOY … Hindi kapaba priority eh magka live in na nga kayo. Tapos yung oras na uuwi na si CALOY, papunta sa PAMILYA nya. Anong ginawa mo? Sinabi mo diba MAGPAPAKAMATAY ka?”

Chloe San Jose, binully ang ina ni Carlos Yulo sa group chat

Sa post ni Gerald, kalakip dito ang mga larawan ng mga private convos na nag-mula sa isang group chat at dito makikita o mababasa kung paano pag-tawanan at i-bully ang ina ni Carlos na si Angelica Yulo ni Chloe San Jose.

Sa mga screenshot makikita ang pambubully ni Chloe sa ina ni Carlos na si Angelica, kalakip ang mga larawan ng panghahambing sa dalawang isda at sinundan ito nang pagha-hamon ni Chloe kay Angelica.

PHOTO : Mark Andrew Yulo shared post

Matatandaang nakauwi na sa bansa si Carlos mula Paris, France kung saan sinalubong siya ng isang engrandeng Heroes welcome noong Miyerkules, August 14.

Ngunit kapansin-pansin na hindi kasama sa mga sumalubong kay Carlos ang kanyang pamilya.

Wala rin ang kanyang pamilya sa ilang welcome party para sa kanya.

Read More

Alice Guo, inamin ang rason kung bakit siya umalis ng Pilipinas

Isiniwalat ng dismissed Bamban, Tarlac Mayor Alice Guo ang totoong dahilan kung bakit siya nag-desisyon na umalis ng Pilipipinas.

Ayon kay Interior Secretary na si Benhur Abalos sa isang press conference, lumapit umano sa kanya si Alice para humingi sa kanya ng tulong para sa seguridad ng dating alkalde.

“Sec, patulong. may death threats po kasi ako,”  hiling ni Alice kay Abalos.

Ayon pa kay Alice, matapos umano silang magkita ni Sec. Abalos sa Indonesia ay mas napanatag umano ang loob niya dahil feeling niya ay ligtas na siya.

“Kino-confirm ko po ang lahat po ng sinabi ni Sec. na mayroon po kong death threats po at humingi po ako ng tulong po sa kanila at masaya din po ako na nakita ko sila. I feel safe po, maraming maraming salamat po” pagbabahagi ni Alice.

Para naman kay Abalos, magsabi lamang ng pawang katotohanan si Alice ay sigurado na makakatanggap siya ng proteksyon mula sa kapulisan.

“Sabi natin sabihin mo lahat at poproteksyunan ka ng police, importante malaman natin ang totoo.” ani Abalos.

Alice Guo, nahuli sa Indonesia

Kung ating babalikan, kinumpirma ng PAOCC o Presidential Anti-Organized Crime Commission ang pagka-aresto kay Alice sa Indonesia.

PHOTO : Alice Guo

Si Alice ay nahuli na naka-check in sa isang hotel sa Tangerang City Jakarta, Indonesia nitong Miyerkules, September 4.

Sa pag-kumpirma ng PAOCC, naaresto umano si Alice bandang 1:30 ng madaling araw at ayon naman sa BI o Bureau of Immigration, palipat-lipat umano si Alice ng hotel sa Indonesia na halos dalawang araw lang ang tinatagal nito kada hotel na tinutuluyan niya para makaiwas sa awtoridad.

Matatandaang noong July 13, nag-isyu ng arrest order ang Senado laban kay Guo, o Guo Hua Ping, matapos siyang hindi sumipot sa isang hearing. 

Ngunit kasunod nito, bigla na lamang siyang naglaho na parang bula.

Hanggang isang nakakagulat na impormasyon ang nasagap ng National Bureau of Investigation—nakaalis na ng bansa si Alice.

Kinumpirma ni Sen. Risa Hontiveros sa kanyang Facebook page nitong Lunes, August 19, na wala na sa Pilipinas si Guo.

Read More