Usap-usapan ngayon sa social media ang mga post na kung saan ikinukumpara ng iilan ang dinaranas ngayon ni Pastor Quiboloy kay Jesus Christ.
Para sa isang netizen, parehas na parehas umano ang pinag-daanan ni Quiboloy kay Hesus bago ito ipako sa krus, binigyang diin pa nito na tila nauulit na raw ang nangyari kay Hesus sa katauhan ng pastor.
Marami naman sa mga netizens ang hindi naniniwala at binabatikos ang mga taong pilit na ikinukumpara si Hesus kay Quiboloy.
Malayong-malayo umano ang pastor kay Hesus dahil si Quiboloy ay maraming krimen na ginawa gaya ng lamang ng rape, child abuse, human trafficking at marami pang iba.
Isang manunulat rin na si Jerry Gracio ang tutol sa paghahambing ng mga netizens kay Hesus at Quiboloy.
Aniya : “Parang nauulit daw ‘yung nangyari kay Jesus sa nangyayari kay Quiboloy. Mga bagra! Si Jesus, hindi inakusahang nang-rape! Idilat nga ninyo ang mga mata n’yo, mga delulu!
“Pero kung gusto n’yo talagang ulitin kay Quiboloy’ ‘yung nangyari kay Kristo, pahampas ninyo ang pastor n’yo sa haliging bato at ipako sa krus. Tingnan natin kung mabubuhay siyang muli,
“Dahil naniniwala ako na si Jesus ay anak ng Diyos at Diyos, kinikilabutan ako na inihahalintulad ang Diyos ko sa akusadong rapist.” dagdag ng manunulat.
Pastor Apollo Quiboloy, sumuko sa awtoridad
Ilang linggo matapos pasukin ng mga PNP ang Kingdon Of Jesus Christ sa Davao City, sa wakas at nahuli na ang wanted na si Pastor Apollo Quiboloy.
PHOTO : Pastor Apollo Quiboloy
September 8, kinumpirma ni Department of the Interior and Local Government (DILG) Secretary Benhur Abalos sa kanyang social media account na nahuli na ang Pastor.
“NAHULI NA PO SI APOLLO QUIBOLOY,” ani DILG Sec. Abalos.
August 24, tinatayang umaabot sa 2,000 kapulisan ang nag-aabang sa KOJC Davao City compound para mahain ang arrest warrant laban kay Pastor Quiboloy.
Para naman kay PNP Regional Office 11 chief Brig. Gen. Nicolas Torre III, malaking kaginhawaan umano ang pagka-aresto sa Pastor matapos ang ilang araw nilang paghahanap.
Aniya : “It’s a relief. Malaki ang relief. Matutulog muna ako.
“I was informed by the secretary (Abalos) that Quiboloy has already surrendered. So nahuli na. Hindi ko alam ang details,
“Ako po ay nagpapasalamat ating kapulisan. Sama-samang tulong sa misyon na ito. I do hope na kapit lang. Marami pa tayong trabaho sa future.” dagdag ni Torre.
Kilala si Doc Willie Ong bilang “Doktor ng Bayan” dahil sa pagbibigay niya ng health tips ngunit kasalukuyang itong lumalaban sa sakit na cancer.
Labis na ikinagulat ng milyon-milyong followers Doc Willie ang kanyang anunsyo nitong Sabado, September 14.
Sa isang video na in-upload niya sa kanyang YouTube channel na may pamagat na “My Battle Against Cancer,” ibinahagi ni Doc Willie ang kanyang pinagdaanan mula sa mga naramdaman niyang sintomas hanggang sa kanyang kasalukuyang kalagayan.
PHOTO : Doc Willie Ong
Sinabi ni Doc Willie na apat na araw na siyang naka-confine sa ospital at kasalukuyang sumasailalim sa chemotherapy.
Ayon sa kanya, bagama’t naging maayos ang kanyang kalusugan noong panahon ng eleksyon 2022, nagsimula siyang makaramdam ng kakaibang mga sintomas noong April 2023.
Ani Doc Willie, “Napansin ko April 2023, medyo hirap na akong mag-medical mission. Pag mainit ayaw ko na, hindi ko na kaya… may hingal, pagod, at paglunok ko parang ayaw na o hirap na.”
Noong October 2023, lalo pang lumala ang kanyang kalagayan, kung saan nakaramdam siya ng matinding back pain.
Aniya, “Pagdating ng October 2023 wala pang one year ago at nag 60th birthday na ako, senior na ako at doon na ako nakaramdam ng backpain. Matagal na akong may back pain pero this time (ibang sakit.”
Dahil sa mga nararamdamang kakaiba sa kanyang katawan, kaya minabuti ni Doc Willie na magpatingin na at sumailalim nga siya sa iba’t ibang uri ng biopsy.
Aniya, “Biopsy sa baba at biopsy sa taas, ito ang pinakamasakit na biopsy, itong T10 o Thoracic Vertebrae. At yang part na ‘yan ang pinakamasakit at hindi na ako makahiga sa gabi. Kapag hihiga ako sa gabi, sasakit ang parteng iyon kaya bumili ako ng lazy boy (recliner), at nakakatulog ako. Pag naka-flat ako (mahiga) sasakit ng 1 to 2 hours parang nag spasm pero pag tinulugan mo, okay lang.”
Ngunit ipinagtataka raw niya dahil normal ang resulta ng mga test pero hindi pa rin nawawala ang nararamdaman niya.
Bukod dito, napansin din ni Soc Willie na lumubo ang kanyang tiyan.
Ani Doc Willie, “Pero nagtaka ako bakit ang backpain ko dati sa baba lang, bakit tumaas? Sabi ko baka nagbago ang kurba ng likod ko tapos lumubog (tinuro bandang ibaba) tapos sa taas lumobo?”
Pero lumipas pa ang ilang buwan bago natuklasan ni Doc willie ang kanyang tunay na kalagayan.
Doc Willie Ong, nakaranas ng intense back pain
Nitong August 19 lamang ay naranasan ni Doc Willie ang pinakamatinding back pain sa tanang buhay niya, kung saan hindi na niya nakayanan kaya isinugod siya sa ospital.
Aniya, “Sumakit sobra-sobra worst pain of my life, 10 out of 10 iiyak ka, buong gabi walang tulog. Mula sap ag-upo sa lazy boy sa gabi hanggang sumikat ang araw walang tulog dasal ng dasal humihiyaw buong gabi saksak-saksak hinto, saksak-saksak, hinto. Hindi moa lam anong posisyon (gagawin) for 3 days. Akala ko body spasm kasi walang makita sa labas.”
Paliwanag ni Doc Willie, kaya hindi niya agad nakapa ang bukol dahil nagtatago ito.
Ang bukol na ito ay malaking-malaki raw.
Isa sa pinakamalaking bukol na nakita ng mga doktor may laki na 16 centimeters.
“Nagtago (bukol) sa harap ng gulugod nakadikit sa puso, so lumali ng lumaki hanggang 16 centimeters at hindi mo makakapa sa likod at hindi mo rin makakapa sa harap at dito lang (tummy), malaki na, so paglaki inipit niya ang esophagus kaya hindi na ako makalunok, inipit na ang artery kaya hindi ako makahinga, inipit na nito ang Inferior Vena Cava (IVC) magang-maga na ang paa ko..:
“Natanggalan na ako ng apat na litro (tubig) pero maga pa rin kaya ang mga dugo ko sa paa hindi na makaakyat sa puso kaya barado na ito, barado na lahat at dahil diyan ang akyat ng dugo ko ay sa azygos veins.”
Hindi naman kayang gamutin ang kalagayan niya sa Pilipinas.
Kaya pumunta ng ibang bansa si Doc Willie kung nasaan siya ngayon naka-confine.
Doc Willie Ong, may sakit na cancer
Sumailalim umano siya sa ilang tests at dito ay natukoy ng kanyang mga doktor ang uri ng bukol na tumubo sa kanyang tiyan na isa umanong pambihira at agresibong uri ng cancer na kung tawagin ay sarcoma.
Aji Doc Willie, “Hindi na kaya (dito) ‘yung biopsy ko sa Pilipinas I have to wait one-week or more kasi maraming holidays. Atfeeling ko no’n mabubuhay lang ako 24 hours at sa tingin ko mamatay na ako kaya suwerte lang na nakapunta ako rito, nagmakaawa sa kaibigan ng isang kaibigan.
“Pagpunta ko rito grabe ang isang araw, umaga petscan, biopsy sa tanghali (at) kinabukasan may result ana, tatlong CT scan, tatlong angios…At nalaman na ‘yung kalaban, ang pangalan sarcoma, very rare, very aggressive and very big at kaya rare dahil galing sa nerves at nagtago.”
Para naman kay Doc Willie, nakuha niya ang sakit dahil sa matinding stress.
Aniya, “Saan ko nakuha to? Tingin ko stress. Kaya kayo, wag kayong magbabasa ng comments sa Facebook.”
“Nas-stress ako sa mga comments. Nas-stress ako sa mga bashers. Nas-stress ako kasi hindi tunay lahat ng sinasabi.”
Payo pa niya, “Kaya kayo ‘wag kayong magbabasa ng comments sa facebook na-stress ako sa mga bashers dshil hindi naman tunay ang mga sinasabi.
“Sobra kong mahal ang mga Pilipino, sobra kong mahal ang mahihirap tapos sasabihin nila ginagamit ko,” dagdag niya.
Samantala, ibinahagi ni Doc Willie na mahirap kalaban ang kanyang cancer.
“Sabi nila makakalbo ako, kaya lets’ pray na gagaling ako. Pero sabi ng duktor ko itong Sarcoma (cancer ay mahirap na kalaban.) Isa sa pinakamahirap na cancer na kulang ang research, kulang ang bagong gamut, medyo miracle dapat (para gumaling). Sabi ng doktor ko wag na ako mag-diet, kainin ko lahat ang gusto ko tulad ng steak kasi kailangan ko ng protein, eggs. Sorry ang mga payo ko dati mag-diet pero dapat kainin lahat ng gusto, pero ako hindi ako pwedeng kumain ng marami mabobondat ako”
Samantala, sa isang Facebook post, humingi ng panalangin si Doc Willie.
Aniya, “Until my last breath, I will help our poor Filipinos.
But first, I ask God for a miracle. Please heal this 16 cm inoperable Sarcoma. Give me some more time on earth to prove myself. Amen.”
Usap-usapan ngayon sa social media ang imbetasyon kay Angelica Yulo para sumali sa Mrs. Philippines na gaganapin sa darating na March 2025.
Kung ating babalikan, nagkaroon ng media conference ang organisasyon ng Mrs. Philippines para muling buksan ang aplikasyon sa mga nais na sumali sa naturang patimpalak na gaganapin sa susunod na taon.
Isa nga sa naging topic ng kanilang media conference ay ang ina ni two-time gold medalists Carlos Yulo na si Angelica, ayon sa presidente ng Mrs. Philippines Organization na si Erika Joy Santos malaki umano ang potensyal ni Angge na maging beauty queen.
Ani Erika : “I wish to speak to Angelica. Maybe I can, you know, be somehow a relief to her. Kahit coffee lang,
“She’s very much welcome to join Mrs. Philippines 2025. Why not?
“I think na naging gymnast ‘yung mga anak niya because naghirap din siya for it. She surely sacrificed a lot of things para masuportahan lahat ng anak niya. And I believe in the goodness and kindness of motherhood,” dagdag ni Erika.
Erika Joy Santos may payo kay Angelica Yulo : “Stop crying and always smile”
Nagbigay rin ng advice si Erika Joy kay Angelica na mas mahalin sana nito ang kanyang sarili at wag magpapa-apekto sa kung ano man ang mga issue na kinakaharap nito ngayon.
Ani Erika : “So my advice to Miss Angelica Yulo is to love yourself. Stop crying, always smile, and remember that time heals all wounds!”
Napansin umano ni Erika si Angelica dahil may “fashion sense” umano ito at matagumpay ito na pinalaki ang kaniyang mga atletang anak.
PHOTO : Angelica Yulo and Carlos Yulo
Sa ngayon ay hindi pa sumasagot si Angelica kung interesado ito na sumali sa Mrs. Philippines 2025 at kung papalarin ay mag-uuwi ang mananalo ng P150,000 cash prize.
Bukod sa cash prize, mangunguna ang kokoronahan sa mga outreach projects na gaganapin sa ating bansa.
Sinupalpal ni Ai Ai delas Alas ang girlfriend ni Carlos Yulo na si Chloe San Jose, kaugnay ng pang-aaway umano nito sa ina ng Olympian na si Angelica Yulo.
Hindi na sikreto sa marami na hindi maganda ang relasyon ni Chloe kay Angelica.
Matatandaang sinisi ni Angelica si Chloe sa paglayo ng loob ni Carlos sa kanyang pamilya.
Bukod dito, ibinunyag din ni Angelica ang diumano’y pambabastos ni Chloe sa kanya, dahilan kung bakit hindi niya ito gusto para kay Carlos.
Ngunit palaban si Chloe at matapang niyang sinagot ang mga pahayag ni Angelica laban sa kanya.
Sunod-sunod ang patutsada ni Chloe kay Angelica sa kanyang mga post, hindi alintana kay ina ito ng kanyang boyfriend.
Ai Ai, may maanghang na patutsada kay Chloe
Samantala, nagbigay ng opinyon si Ai Ai tungkol sa isyu sa pagitan nina Chloe at ina ni Carlos.
Sa isang panayam, pinayuhan ni Ai Ai si Chloe na huwag awayin ang ina ng kanyang boyfriend.
Aniya, “Kasi nanay ‘yan, e. Kung wala ‘yung nanay niya, wala kang darling ngayon. Kaya girl, huwag mo siyang aawayin.”
Hindi rin napigilan ni Ai Ai na supalpalin si Chloe dahil tila umaasta ito na parang asawa na ni Carlos.
Dagdag niya, “At saka, hindi ka pa asawa, girl. Girlfriend ka pa lang. Pag asawa ka na, pwede na. Pero girlfriend ka pa lang, huwag mo munang awayin.”
Pinaliwanag ni Ai Ai na mahalaga ang pagkakaroon ng magandang relasyon sa mga magulang ng kasintahan.
Aniya, “Kasi alam mo naman ang mga mommy, di ba? Isa ‘yan sa mga paraan para maging harmonious ang inyong relationship.”
Naibahagi rin ni Ai Ai na maging siya ay pinapayuhan ang kanyang mga anak na igalang ang mga magulang ng kanilang partners.
Aniya, “Sinasabi ko, ‘O, anak, ha, dapat marunong kang magluto. Dapat lagi mong tinutulungan ang mga in-laws mo. Kailangan lagi kang may ‘po’ at ‘opo’, kasi magulang ‘yan ng asawa mo, dapat nirerespeto mo.”
“Mother knows best”
Matatandaang sa kainitan ng isyu nina Carlos, Chloe, at Angelica, sinabi rin ni Ai Ai na naniniwala siya sa kasabihang “Mother knows best” pagdating sa pag-ibig.
PHOTO : Ai Ai delas Alas and Chloe San Jose
Nasubukan na raw kasi niyang hindi sumunod sa payo ng kanyang magulang pagdating sa pagpili ng karelasyon at hindi raw maganda ang kinahinatnan nito.
Ani Ai Ai, “Siyempre, umiibig ang ating Olympian, pero may kasabihan nga, pag-ibig kapag pumasok sa puso ninuman, hahamakin lahat masunod ka lamang. Pero mas naniniwala ako na ‘Mother knows best’ pagdating sa love life.”
Dagdag pa niya, “Sinasabi ko rin ‘yan sa mga anak ko, kasi naranasan ko na hindi sumunod sa nanay ko pagdating sa lovelife. Ayun, flop lahat. Pero nung nagustuhan ni Gerald, tama na naman si mother. Yun lang, bye.”
Labis ang pasasalamat ng ina ni Carlos Yulo na si Angelica Poquiz Yulo, matapos siyang padalhan ng kilalang psychic na si Rudy Baldwin ng mga regalo.
Sa kanyang Facebook post ngayong Biyernes, September 13, ibinandera ni Angelica ang mga regalong ipinadala sa kanya ni Rudy.
Sa mga larawan na kanyang ibinahagi, makikitang pinadalhan siya ni Rudy ng 10 sakong bigas, isang mamahaling relo, mga damit, at isang rebulto ni Sto. Niño.
PHOTO : Rudy Baldwin gifts to Angelica Yulo
Sa caption, taos-pusong pinasalamatan ni Angelica si Rudy dahil sa kabutihang ipinakita nito.
Ayon kay Angelica, “Thank you so much Madam Rudy Baldwin for these. God bless your kind heart.”
Angelica Yulo, tuloy ang buhos ng biyayang natatanggap sa gitna ng alitan nila ni Carlos!
Umani naman ng samu’t saring reaksyon at komento mula sa mga netizens ang pagbibigay ng regalo ni Rudy kay Angelica.
Hirit pa ng netizens, ‘deserved’ umano ni Angelica ang mga regalong natatanggap niya dahil isa siyang huwarang ina.
Komento ng ilang netizens:
“Ikaw ang deserving sa mga blessings na ‘yan. God bless din sa mga nagbibigay ng kanilang blessings. Darating din ang kapayapaan. Maraming nagmamahal sa’yo. Ingat lagi, Yulo Family.”
“Congratulations, Madam Angelica Poquiz Yulo. God is good, hindi natutulog ang Diyos. Sending love.”
“Wow! Congratulations po, Mommy Angelica Poquiz Yulo. More blessings to come po.”
“Deserve mo ‘yan, Madam. Salamat kay Rudy Baldwin. God bless sa Yulo at Baldwin Family. Mabuhay po kayo.”
Rudy Baldwin, nakitang magiging Olympic gold medalist ang mga kapatid ni Carlos na sina Eldrew at Eliza
Samantala, hindi malinaw kung matagal nang may koneksyon o personal na kakilala ni Angelica si Rudy, bukod sa pagiging isang sikat na psychic sa social media.
Maraming hinuha na narating ni Rudy ang mga isyu na kinasangkutan ni Angelica at Carlos, lalo na pagkatapos ng tagumpay ni Carlos sa Olympics.
At base sa pagpapadala ni Rudy ng mga regalo, tila sinusuportahan niya si Angelica sa gitna ng alitan nito kay Carlos at sa girlfriend ng atleta na si Chloe San Jose.
Matatandaang noong August 28, nag-post din si Rudy kung saan ipinahayag niya na magiging gold medalists din ang mga nakababatang kapatid ni Carlos na sina Eldrew at Eliza sa darating na 2028 Los Angeles Olympics.
Lingid sa kaalaman ng marami, kapwa gumagawa rin ng pangalan sa larangan ng gymnastics sina Eldrew at Eliza.
Ayon kay Rudy, “GOLD MEDALS FOR THE NEXT OLYMPICS. KEEP BELIEVING IN GOD AND HAVE FAITH IN HIM. BELIEVE IN YOURSELF THAT YOU CAN DO IT AND YOU CAN HAVE IT. STAY HUMBLE AND DON’T FORGET TO LOVE YOUR FAMILY ALWAYS. GO FOR GOLD!”
Viral sa social media ang banat ng direktor na si Darryl Yap sa girlfriend ni two-time gold medalist Carlos Yulo na si Chloe San Jose.
Sa social media ni Darryl, ibinahagi niya ang isang video ni Chloe na nagmula sa isang panayam at dito na naitanong sa dalaga kung ano ang gamit niyang skincare o kung ano ang kanyang skincare routine.
Sa pagbabahagi ni Chloe ng kanyang skincare, dito na niya binanggit na gumagamit siya ng cleansing balm, cleanser (foam) , toner, serum, face moisturizer at sunscreen.
Ani sa caption ni Darryl : “Alam nyo na paano kakapal ang mukha nyo.”
Umani naman ng samu’t-saring reaksyon mula sa netizens ang naturang post ni Darryl tungkol kay Chloe.
Ani ng netizens : “Bkit kakapal ehh nagmamahalan sila inggit k kasi iniwan k ng transgender mo jowa.”
“Talagang makapal! Sya pa may gana mangwenta sa Pera na nagastos ni nanay, akala mo kung sya Ang tumambling! May konting portion daw may konting tililing ka kamo!”
“hoy grabe kayo kay goldigs ha, siya lang ang may talent na magsabi ng langgam na ndi nagdidikit ang upper and lower lip no.”
Chloe San Jose, nagsimula na sa kanyang unli shopping
I-flinex ni Chloe ang pagsa-shopping nila ng kanyang boyfriend na si two-time Olympic gold medalist Carlos Yulo sa Paris.
PHOTO : Carlos Yulo and Chloe San Jose
Kung ating babalikan, lumipad pabalik ng Paris si Carlos noong September 4 para suportahan ang mga atletang Pinoy na sasabak sa Paralympic Games.
Ayon sa kanyang Facebook post, “Embarking on the journey to meet alike athletes that ‘started’ their impossible. I am excited to share more about my upcoming Paris trip to meet other Team Toyota members at the Paralympic Games!”
Sa kanyang pagbabalik, kasama ni Carlos si Chloe.
Pero bukod sa pagsuporta sa Team Philippines sa Paralympic Games, hindi rin pinalagpas nina Carlos at Chloe ang makapag-shopping.
Sa Instagram stories ni Chloe ngayong Lunes, September 9, nagbahagi siya ng ilang larawan nila ni Carlos pagkatapos nilang mag-shopping.
Makikitang tatlong malalaking shopping bags din ang naiuwi nina Carlos at Chloe mula sa kanilang shopping spree.
Halata namang sobrang nag-enjoy sila base na rin sa laki ng kanilang mga ngiti.
Viral sa social media ang restaurant sa Tagaytay na Balay Dako, para sa netizens bias umano ang naturang kainan sa mga aspins at sa mga aso na walang breed.
Masama ang loob at masakit para sa isang fur parent gaya na lamang kay Lara Antonio ang naging experience niya sa nasabing restaurant sa Tagaytay.
Sa kanyang social media post, ibinahagi ni Lara ang kanyang disappointments sa naturang establishment matapos na hindi sila pinapasok para kumain.
Hindi umano sila pinapasok dahil sa mga panahon na yun ay kasama nila ang kanyang aso na si Yoda, isang “AsPin” o Asong Pinoy.
Nilinaw naman ni Lara na ilang beses na silang kumain sa Balay Dako kasama si Yoda pero wala naman naging problema.
Balay Dako issue
Ayon sa mga staff ng Balay Dako, ang allowed lang umano na pumasok sa kanilang establishment ay ang mga customers na may kasamang small to medium-sized na mga pets.
Nilinaw naman ni Lara ang policy ng Balay Dako kung bakit hindi allowed si Yoda na pumasok kahit na nasa medium sized naman ang alaga niya.
Nainsulto umano si Lara matapos siyang tanungin ng staff kung ano ang breed ni Yoda : “ano pong breed niya?”
PHOTO : Yoda
Dahil sa tanong na ito ng staff kay Lara, sinabi niya na “mixed breed” si Yoda para lamang payagan silang makapasok, alam kasi ni Lara ang discrimination pagdating sa mga AsPin.
Ani Lara : “I have a weird gut feeling IMMEDIATELY so instead of Aspin, I say ‘mixed breed.’ I’ve dealt with this before I KNOW THIS and as annoying as it is ‘mixed breed’ is more palatable to elitist establishments,
“My mistake is that I said ‘18kg’ instead of reiterating my question. After I answer I ask again, ‘ano yung size qualifications ng medium dog?’
“And then after they talk amongst themselves, someone comes out and says ‘10-15kg lang po.’
“At this point I know 15kg is arbitrary and they just chose a number smaller than Yoda kasi you can tell when people are lying to you and they were 100% pulling that out of nowhere,”. dagdag ni Lara.
Marami naman sa mga netizens ang bumisita sa social media account ng Balay Dako at gulat na gulat sila na may mga photos at videos silang nakita na may mga pets na nakaka-pasok sa naturang establishment na mas malaki pa umano kay Yoda.
May mga Golden Retriever, Labrador at maraming aso na mas mabigat at malaki pa sa fur baby ni Lara na si Yoda.
Para sa mga netizens, hindi malinaw ang pet friendly policy ng Balay Dako dahil natatangi lamang na may mga breed na aso ang pinapapasok nila sa kanilang establishment at ito raw ay malaking discrimination para sa mga AsPin.
