Kim Chiu, gusto umanong ligawan ng aktor na si Jake Ejercito

Gaano katotoo ang balitang bet umanong ligawan ng Kapamilya actor na si Jake Ejercito ang actress at TV host na si Kim Chiu?

PHOTO : Kim Chiu and Jake Ejercito

Mainit na pinag-uusapan ng mga Marites ang tsikang gustong ligawan ni Jake si Kim.

Matatandaang single na ngayon si Kim matapos silang maghiwalay ng Kapuso actor na si Xian Lim after almost 12 years of relationship.

Marami ang nagulat sa paghihiwalay nila ni Xian dahil akala ng lahat na mauuwi rin sa kasalan ang kanilang relasyon.

Hanggang sa nagulantang ang marami nang mag-post si Kim noong December 23 at kumpirmahin na hiwalay na sila ni Xian.

Malaking palaisipan pa rin sa lahat ang dahilan ng hiwalayan ng dalawa.

Habang si Jake, matagal nang single at wala pang napapabalitang nakarelasyon mula nang maghiwalay sila ng dating aktres na si Andi Eigenmann.

May isang anak si Jake kay Andi na si Ellie na dalagang-dalaga na ito ngayon.

Jake Ejercito liligawan si Kim Chiu?

Usap-usap nga ngayon ang tsikang gustong ligawan ni Jake si Kim na naging leading lady niya sa series na “Fit Check: Confessions of an Ukay Queen” at naging co-star naman niya sa seryeng “Linlang”.

Nagsimula ang tsika dahil sa isang ulat ng Bulgar Online ni Janiz Navida na pinublish nitong January 7.

Ang headline ng balita ay “May sasalo agad, Xian…JAKE, GUSTONG LIGAWAN SI KIM.”

Ibinahagi ng Bulgar na may nagsabi sa kanilang “type” umanong ligawan ni Jake si Kim.

Ayon pa sa kanila, “matindi” raw ang “tama” ni Jake kay Kim.

Ilang taon din umano kasing single si Jake pero ngayon, handa siyang ligawan si Kim.

Samantala, kung magkatotoo man ito, at sinagot ni Kim si Jake, tiyak pareho silang jackpot sa isa’t isa.

Pareho kasing accomplished na sina Kim at Jake.

Bukod dito, swerte si Kim kay Jake dahil wala itong babaero o cheater image. 

At hinahangaan pa dahil sa pagiging mabuting ama niya kay Ellie.

Pero ang tanong, ready na ba si Kim na muling buksan ang kanyang puso sa ibang lalaki matapos silang maghiwalay ni Xian?

Hindi rin biro ang tagal ng relasyon nila ni Xian.

Kaya hindi nakapagtataka kung matagal ang moving on process ni Kim Chiu dahil sa sinapit ng relasyon nila ni Xian Lim.

Read More

Daniel, hindi pala may-ari ng J Castles theme park sa Batangas

Ibinahagi ni Ogie Diaz na hindi pala may-ari o kasosyo si Daniel Padilla ng kabubukas lamang na immersive theme park sa Tanauan, Batangas na J Castles.

PHOTO : Daniel Padilla and J Castles

Matatandaang naging usap-usapan ang theme park dahil sa ulat na isa si Daniel sa mga may-ari o co-owners nito. 

Ang konsepto ng theme park ay mala-Disneyland ngunit imbes na adventure rides, iba’t ibang lights at large figures at attractions ang makikita sa loob ng blue-themed J Castles. 

Isa sa mga tagline nila ay “dream within dream”.

Noong Mayo 1 ay nangyari ang soft opening ng theme park. 

Marami naman ang namangha rito lalo pa’t ito ang kauna-unahang napakalaking immersive park sa bansa. 

Ngunit nabahiran nga ng kontrobersiya ang theme park dahil marami ang nagreklamo dahil sa mahal daw nitong entrance fee na P1,500 na hindi raw sulit.

Daniel Padilla and J Castles issue

Bukod dito, usap-usapan din ang theme park matapos ngang isiwalat ni Ogie sa kanyang YouTube channel na hindi raw totoong isa si Daniel sa may-ari ng theme park. 

Ayon pa kay Ogie, isang kaibigan ang nag-message sa kanya para linawin na hindi may-ari ng J Castles si Daniel. 

Ani Ogie, “Merong isang kaibigan na nag-message sa amin at ang sabi niya ay hindi totoong si Daniel ang isa sa mga may-ari… Sabi niya, ‘Naku, mare, hindi kay Daniel Padilla ang J Castle. ‘Yung Vineyard ang may-ari ng J Castle.” 

Ibinahagi rin ng sender na nagalit ang may-ari kay Daniel matapos lumabas sa balita na isa siya sa mga may-ari ng J Castles. 

Sa katunayan, nag-sorry pa raw si Daniel sa may-ari ng J Castles dahil dito. 

Ani Ogie, “Nung soft opening na yan, ito yung Mayo 1, humingi ng sorry si Daniel sa friend ko kasi yun nga nagalit sila na bakit daw ganun ang lumabas sa press na part owner siya.” 

Nabanggit naman ni Ogie na baka industrial partner ng J Castles si Daniel kung saan hindi na nito kailangan maglabas pa ng pera para magkaroon ng share sa theme park dahil sapat na ang talent at kasikatan nito. 

Pero sinabi raw ng sender na hindi rin daw. 

Ani Ogie, “Sabi niya, no pa din. Sabi ko, yun ang press release. Ano ba usapan nila? Sabi ng source ko, wala, kaya nag sorry si DJ dun sa friend ko. Sabi rin ni DJ hindi niya alam bakit ganun ang lumabas sa press.” 

Samantala, taliwas naman ito sa naging pahayag ni Daniel sa panayam sa kanya ng ABS-CBN News kung saan ibinahagi niyang bahagi siya ng creatives at conceptualization o pagbuo ng ideya at konsepto ng theme park. 

Ani Daniel, “Doon tayo sa creatives and conceptualization. Siyempre hands-on dahil gusto nating ma-experience ng mga tao… hindi naman tayo pwedeng gumawa ng theme park na basta-basta.” 

Sa kasalukuyan ay wala pa namang pahayag si Daniel hinggil sa isyung hindi siya totoong kasosyo sa nasabing theme park.

Read More

Wedding nina Nash Aguas at Mika dela Cruz, pinusuan ng netizens

END GAME – Pinusuan ng mga netizens ang wedding ng celebrity couple na sina Nash Aguas at Mika del Cruz, kahapon May 18, 2024.

Mula sa pagiging childhood sweethearts, endgame na nga para kina Nash Aguas at Mika dela Cruz, matapos silang ikinasal sa Adriano’s Events Place and Prayer Garden sa Tagaytay.

Sila ay parehong 25 years old, kung matatandaan, nagsimula ang relasyon ni Nash Aguas at Mika dela Cruz taong 2018.

Ibinahagi ni Mika sa kanyang social media account ang larawan na kuha mismo sa araw ng kaniyang kasal, dito makikitang umiiyak si Mika na naglalakad patungo sa altar ng simbahan.

Caption pa ni Mika :

“Walking towards my God-sent, my Love., and my forever,”.

Suot ni Mika ang isang gown mula sa fashion designer na si Julianne Syjuco, ang kanilang wedding planner naman na La Belle Fete ay nag post din sa social media ng mga larawan nila Nash at Mika mula sa naganap na kasalan.

Marami naman sa mga netizens ang nagulat sa biglaang pagpapakasal ni Nash at Mika, pero napuno ng congratulatory at best wishes comments ang mga social media posts tungkol sa kanilang kasal.

Nagbahagi na rin ng mga wedding videos at pictures nina Nash at Mika ang Nice Print Photography, ang opisyal na photographer at videographer sa naganap na wedding.

Kung ating babalikan, parehong produkto ng kiddie gag show na ‘Goin’ Bulilit’ sina Nash and Mika, dito rin nagsimula ang kanilang friendship hanggang sa naging magka-relasyon na silang dalawa.

Narito ang komento ng mga netizens :

“Childhood sweathearts no one can surpassed their love its true n sincere both of them i congratulate ur patience n perseverance to wait the moment of truth n happiness fot both of u so proud n wish u all the best”

“looks like she’s pregnant! wow congrats to the both of u!”

“So what kung preggy siya, meron nga kumpol na ang anak d pa ikinakasal, how much more sa preggy ng ikasal. Well sa pinas social norms na ung pupunain ka na ay buntis kaya ikinasal, or shall i say norms na natin ung pumuna sa kapwa natin, while do not know, mas may mapupuna pla sayo.”

Read More

Diwata, sinupalpal si Mystica matapos siyang tawaging dugyot

Hindi pinalagpas ng street food sensation na si Diwata ang mga maaanghang na patutsada laban sa kanya ng singer-performer na si Mystica.

Lalo pang tumindi ang bangayan ng dalawa sa social media na nag-ugat dahil sa pambabatikos ni Mystica sa ugali, itsura, at paresan ni Diwata.

Matatandaang pinuna ni Mystica sa kanyang sunod-sunod na Facebook post si Diwata dahil daw sa inasal nito sa mga nagpapa-picture at nagpapa-shoutout sa kanya.

Ayon pa kay Mystica, lumaki na raw ang ulo ni Diwata.

Tila nakalimutan na raw kasi nito na hindi ang kanyang Pares Overload ang pinupuntahan ng tao kundi siya mismo para makisabay sa kanyang kasikatan.

Tinawag namang dugyot ni Mystica ang ugali ni Diwata na pareho lang daw ng kanyang paresan.

Bwelta ni Mystica laban kay Diwata, “May nagpapa-shout out sa kanya, ‘yung inasal niya, hindi ko nagustuhan. Na-turn off talaga ako. Medyo lumaki na talaga ‘yung ulo niya… Dugyot na ugali, dugyot na paresan! Binigyan ng malaking picture ng susi ng house & lot, ‘yun pala isang container lang… Kawawa ka, Diwata!”

Samantala, nakarating kay Diwata ang mga komento ni Mystica laban sa kanya.

Sa isang video kung saan natanong siya ng isang vlogger kung ano ang masasabi niya sa pagkape ni Mystica sa kanyang tindahan, hindi na nakapagpigil pa si Diwata at sinupalpal si Mystica.

Tinawag na “pisteca” ni Diwata si Mystica na katunog ng pangalan nito.

Lingid sa kaalaman ng marami, ang salitang “piste” ay isang ekspresyon na ginagamit ng mga Cebuano tuwing nagmumura sila o galit at puno ng disgusto sa isang pangyayari o tao.

Ayon pa kay Diwata, wala siyang pakialam sa mga sinasabi ni Mystica laban sa kanya dahil laos na raw ito.

Tanong ng vlogger kay Diwata, “Diwata, anong masasabi mo na nagkape si Mystica dito sa paresan mo?”

Sagot naman ni Diwata, “Sino si PISTEca? nagkape siya dito? nagkape pala si PISTEca sa pwesto ko.. alam mo wala akong pakiaalam kay PISTEca dahil matagal ng laos yan”

Maliban dito, viral din ang komento ni Diwata sa isang video ni Mystica kung saan binweltahan niya ang mga nagsasabing naiinggit lang siya kay Diwata.

Sa kanyang komento, tinawag na “aso” ni Diwata si Mystica.

Caption sa Facebook video ni Mystica, “I HAVE WORKED AND CLIMBED MYSELF UP TO BE A HOTEL MANAGER, RESTAURANT MANAGER, NFL COMPANY OPERATIONS SUPERVISOR, EXECUTIVE CHEF, HOTEL SUPERVISOR, ETC, ETC. TAPOS KAIINGGITAN KO ANG STREET VENDOR AT ANG PARESAN LANG NI DIWATA? HELLO!!! ANG KIKITID TALAGA NG MENTALITY NG MGA DIWANGWANG FANATICS! NAGKAROON LANG NG PARESAN ANG DATING NAMAMASURA AT NANGANGALAKAL, HINAHALIKAN NA ANG PUWET AT DINUDUMOG NA ANG DUGYOT AT NILALANGAW NIYANG MGA PARES! SARIMULYO!!! – MYSTICA”

Komento naman ni Diwata, “Oi May Aso aw aw aw [smiling emojis]”

Sa ngayon ay wala pa namang reaksyon si Mystica sa mga patutsada ni Diwata laban sa kanya.

Read More

Mystica, tinawag na “dugyot” ang mukha at paresan ni Diwata

Usap-usapan ngayon sa social media ang pagtawag na “dugyot” ng singer-performer at “Split Queen” na si Mystica kay Diwata at sa kaniyang paresan.

Ayon pa kay Mystica na hindi lang siya ang nakapansin na pinipili lang umano ni Diwata ang mga tao na pinapayagan niyang magpa-picture sa kanya.

Magkaiba raw ang trato ni Diwata sa mga vloggers, mayayaman at mga taong nagbibigay sa kaniya ng regalo, tulong at mga pera, todo asikaso umano ang negosyante kahit buong araw pa.

Ngunit pagdating umano sa mga customers niya na mga ordinaryong tao ay ayaw raw nito magpa-picture o makipag-halubilo.

Ayon pa kay Mystica, kapansin-pansin na raw na lumaki ang ulo ni Diwata at tumaas ang ‘ere’ nito mula nang pagkaguluhan siya at sumikat.

Mukhang nakakalimutan na raw ni Diwata na “siya” ang dahilan kung bakit pinupuntahan ang kanyang paresan at hindi ang tinitinda niyang “nilalangaw” na pares overload.

Sa “realtalk” ni Mystica para kay Diwata sa kaniyang social media account, tinawag niya na dugyot ang katawan, ugali at mismong paresan ni Diwata.

“Unahin mo ang sanitation at kalinisan ng mga kumakain sa iyo, yun ang dapat inaasikaso mo, hindi ang mangbara ng mga taong ikaw naman talaga ang pinunta, hindi ang pares mo,

“Hindi niya alam na ito ang magpapabagsak sa kanyang nilalangaw at dugyot na ugali, dugyot na katawan at pagmumukha at dugyot na paresan!” ayon kay Mystica.

Samantala, rumesbak naman si Diwata tungkol sa mga sinabi ni Mystica tungkol sa kanya at sa paresan niya.

Sa isang video na kumalat na rin sa social media, naitanong kay Diwata ng isang vlogger kung kilala niya si Mystica at ayon sa vlogger nagkape umano si Mystica sa paresan niya.

Ani ng vlogger; “Diwata, anong masasabi mo na nagkape si Mystica dito sa paresan mo?”

“Sino si PISTEca? nagkape siya dito? nagkape pala si PISTEca sa pwesto ko.. alam mo wala akong pakiaalam kay PISTEca dahil matagal ng laos yan” sagot ni Diwata.

Read More

Leftovers sa pares overload ni Diwata, bakit sobrang dami?

Maraming netizens ang nagtataka kung bakit marami ang tira-tirang pagkain sa sikat na pares overload ni Diwata sa Pasay City.

Kung matatandaan, aminado si Diwata noon pa man na walang espesyal sa kaniyang pares overload na sobrang viral ngayon saang sulok man ng social media.

Pinagdiinan din ng negosyante na ang lasa ng kaniyang pares overload ay gaya na lamang sa ibang pares na makikita sa gilid ng kalsada.

Para maiba, ang pares ni Diwata ay may unli rice, free softdrinks, unli sabaw, may chicharong bulaklak at lechon kawali sa halagang P100.

Ngunit maraming netizens ang nanghinayang dahil sa unli rice na ito ni Diwata, ang ginagawa kasi ng mga kumakain sa sikat na food stall na ito ay unli-iwan at unli tapon ng kanilang mga tirang pagkain.

Nasasayang lang umano ang mga ito dahil bawas rin ito sa puhunan ni Diwata lalo na’t mahal ang bigas sa panahon ngayon, panawagan rin ng mga netizens na kung maaari ay ipakain ito sa mga stray dogs at sa mga stray cats.

Marami tuloy ang napakomento na baka raw ay hindi talaga masarap ang pares na ito ni Diwata at talagang dinadayo lang ito dahil sa hype ng social media.

“hindi yan masarap kaya ganiyan, kung masarap yan kahit isang butil ng kanin walang leftovers diyan..may kakain tapos hindi na babalik dahil hindi gusto ang lasa ng pagkain, may uulit yung gusto lang makita si Diwata” ani ng isang netizen.

Samantala, sa latest episode ng “Showbiz Updates” vlog ng talent manager na si Ogie Diaz nakarating umano sa kaniya na hindi talaga inuubos ng mga customers ang pagkain sa paresan ni Diwata.

“Hindi porke P100 lamang yung tinitinda ni Diwata eh, aabusuhin nyo na. willing namang magbigay basta uubusin,” ani Ogie Diaz.

“Sa dami ng taong naghihirap ngayon tapos mag-iiwan kayo ng kalat, mag-iiwan kayo ng kanin na sumobra sa hingi..

“Kaya naman yung iba talagang nakikiusap na sa kanilang mga comment na sana ibigay na lang daw sa stray dogs yung mga sobrang ulam, sobrang kanin,” say ni Ogie Diaz.

Read More

You Do Note Girl, binatikos sa kaniyang “Asoka Challenge”

BODY SHAMING – Nagsalita si You Do Note Girl tungkol sa mga negatibong komento na natatanggap ng kaniyang Asoka at Piliin Mo Ang Pilipinas challenge entries.

Patok na patok ngayon ang Asoka at Piliin Mo Ang Pilipinas challenge sa lahat ng social media platforms, kaya naman nagsilabasan ang kanya-kaniyang entries ng bawat social media personalities, influencers o maging mga celebrities.

Isa na sa kumasa sa mga challenges na ito ay si Majo Lingat o mas kilalang “You Do Note Girl”, ngunit nakatanggap ng samu’t-saring body shaming na mga komento ang dalaga dahil sa unshaved armpit nito.

Sa ngayon ay hindi na “big deal” para sa atin ang mga babaeng hindi nag sha-shaved ng kanilang mga kili-kili pero marami parin sa atin ang nangba-body shame sa tuwing nakakakita sila ng buhok sa kili-kili lalong lalo na sa mga kababaihan.

Marami naman sa mga netizens ang nagtanggol kay You Do Note Girl dahil iba na umano ang standard ng beauty sa panahon ngayon, hindi na sa pakinisan ng kili-kili o kahit sa pagandahan ng katawan.

Narito naman ang komento ng mga netizens:

“iba na ho ngayon ang standard ng beauty, normal nalang sa ngayon sa mga babae ang may buhok sa kilikili, sadyang makikitid lang talaga ang mga utak ng tao ngayon lalo na sa social media, hindi dahil influencer sikat artista ay perfect na, please YOU DO NOTE THAT.”

“napansin ko nga yung kilikili niya pero for me ok lang yan. basta walang amoy kahit makulimlim”

“hindi na bigdeal kung maitim o maputi ang kilikili ng isang tao, ang importante walang tinatapakang tao.”

“biglang dumilim yung paligid sa aSUKA challenge na ito, nangangamoy SUKA na datu puti tuloy”

Sa kaniyang social media, ipinagdiinan at nilinaw ni Majo na lahat tayo ay pantay-pantay sa mata ng diyos at walang pagkakaiba ang bawa’t isa.

“Pare-parehas lang tayong nilikha ng Panginoon sa kanyang wangis. Wala tayong pinagkaiba. Tayo lang ang nag-iisip ng hindi maganda sa kapwa natin,” ani You Do Note Girl.

Kung matatandaan, sumikat si Majo Lingat dahil sa pag dubbed nito sa mga linya na nagmula sa afternoon show ng ABS-CBN na “Kadenang Ginto” noon, dito na siya nakilala bilang si “You Do Note Girl” dahil sa mga linya na kaniyang binitawan.

“You do note the liar is my peyk. Is the Cassie in peyk. Hindi siya mukhang dragon. Is this my liar is na make is the peyk in my life. Oo, Cassie.”

[BODY SHAMING : the action or practice of mocking or stigmatizing someone by making critical comments about the shape, size, or appearance of their body.]

Read More