Anne at Joshua walang spark, mukhang mag-ina ayon sa netizens

Dismayado ang maraming netizens sa cast ng Philippine adaptation ng “It’s Okay To Not Be Okay,” sa pagpapares kina Anne Curtis at Joshua Garcia bilang bida.

PHOTO : Anne Curtis and Joshua Garcia

Sabi nila, tila may ‘mismatch’ daw sa pagpili ng cast ng serye dahil wala raw chemistry sina Anne at Joshua.

Para sa mga hindi nakakaalam, gagampanan ni Anne ang bidang babae na si “Ko Moon Young,” na ginampanan naman ng South Korean actress na si Seo Ye Ji.

Emilia “Mia” Hernandez ang Filipino name ni Ko Moon Young, na isang sikat na children’s book author na may antisocial personality disorder.

Bibigyang-buhay naman ni Joshua ang karakter ni “Moon Gang Tae,” na ginampanan ng “highest-paid actor” ng South Korea na si Kim Soo Hyun.

Patrick “Patpat” Gonzales ang Filipino name ni “Moon Gang Tae,” na isang nurse o caregiver sa isang psychiatric hospital.

Gagampanan naman ni Carlo Aquino ang kapatid ni Moon Gang Tae na si “Moon Sang Tae,” na isang aspiring illustrator na may autism.

Anne Curtis at Joshua Garcia hindi raw bagay?

Samantala, hindi pa man nagsisimula ang taping ng serye, inulan na agad ng batikos at negatibong reaksyon ang tambalan nina Anne at Joshua.

Ayon kasi sa netizens, ‘di raw bagay sina Anne at Joshua dahil wala silang chemistry.

Pinuna ng netizens ang malaking age gap nina Anne at Joshua na halatang-halata raw.

Ayon pa sa kanila, parang mag-ina lang sina Anne at Joshua.

Matatandaang sa presscon ay ‘nagtitigan’ sina Anne at Joshua ngunit walang naramdaman na ‘kilig’ ang netizens sa kanilang titigan.

Kaya ayon sa netizens, okay na raw sana si Anne bilang female lead, kaya lang ay sablay naman daw ang piniling magiging leading man niya.

Hirit naman ng netizens, may oras pa raw na palitan si Joshua.

Komento ng netizens:

“Sorry pero wala talagang chemistry. Love Anne pero mukha lang silang mag-ina ni Joshua.”

“Joshua? Sana humanap man lang sila ng babagay kay Anne. Kung sa edad ni Joshua, pwede naman si Maris o Kaila. At, kung sa edad naman ni Anne pwede naman si Jericho, madami pang iba.”

“Joshua na naman? Tas partner kay Anne Curtis?? Parang NOT OKAY…”

“Magagaling silang actors but wala talagang chemistry sina Anne at Joshua sa totoo lang.”

“Nawalan ako ng gana haha.. Anne tapos Joshua? Cringe.”

“Sana Julia-Joshua na lang, or Anne then another actor. Di bagay si Anne at Joshua, halata yung age gap nila.”

“Di bagay si Joshua para kay Anne. Okay na sana, sablay lang casting.”

Samantala, sa ginanap na presscon para sa serye, aminado si Joshua na kailangan pa nilang i-work out ni Anne ang kanilang chemistry.

Ibinahagi naman niyang sasabak sila ni Anne sa immersion at workshop para ma-build ang kanilang chemistry.

Ani Joshua, “Lahat po kami may gagawing immersion. May mga times din na magkasama kami, may mga times din na mag-isa ako. Magkakaroon din po kami ni Anne ng workshop, chemistry workshop.”

Inamin naman ni Anne na excited siyang makita kung paano nila mailalabas ni Joshua ang kanilang chemistry bilang loveteam.

Ani Anne, “I’m so excited. It’s my first time working with Joshua, so I’m very excited to see how we can bring out the chemistry together.”

Lingid sa kaalaman ng marami, ang “It’s Okay To Not Be Okay” ang magiging comeback teleserye ni Anne pagkatapos ng isang dekada.

Matatandaang “Dyesebel” ni Mars Ravelo noong 2014 ang huling teleserye na ginawa ni Anne.

Ayon naman kay Anne, hindi naging mahirap sa kanya na mag-yes sa serye dahil gustong-gusto niya ang serye.

Ani Anne, “It’s definitely worth it. Hindi naman ako mag-a-accept ng isang project if I didn’t feel it was worth leaving my family for a little bit to shoot. When they offered this to me, it was an instant yes because I love the original and I couldn’t let it pass.”

Sa kasalukuyan, hindi pa naglalabas ang ABS-CBN at Netflix ng eksaktong petsa kung kailan ipapalabas ang serye.

Read More

Xian Lim, hindi “steak” ang rason sa breakup nila ni Kim Chiu

Mariing itinanggi ng Kapuso actor na si Xian Lim ang kumalat na ‘steak issue’ kaugnay sa paghihiwalay nila ng Kapamilya actress-host na si Kim Chiu.

PHOTO : Xian Lim and Kim Chiu

Kung matatandaan, mainit na pinag-usapan ang isyu na diumano’y nagpaluto muna si Xian ng paborito niyang steak kay Kim bago niya ito hiniwalayan.

Nagsimula ang isyu noong Marso matapos itong pag-usapan ng talent manager na si Ogie Diaz sa kanyang YouTube channel na “Showbiz Update.”

Sa pinaka-latest na exclusive interview ni Xian sa Inquirer, pinabulaanan niya ang nasabing isyu.

Ayon pa kay Xian, nakakatawa raw ang isyu at hindi niya alam kung saan ito nanggaling.

Xian Lim and Kim Chiu “Steak” issue update

Unang-una, ayon kay Xian, hindi siya ang unang nakipag-break kay Kim.

Aniya, “There’s no truth to it. It’s absurd. I don’t see where it’s coming from. Is it because people are using us for entertainment? I cannot orchestrate that. I wasn’t the one who initiated the breakup. All these fake news, all these dagdag-bawas, are just too much already.”

Bukod sa steak issue, nag-react din si Xian sa isyu na tinawagan niya si Kim para humingi ng permiso rito na inanunsyo na may bago na siyang girlfriend.

Matatandaang nitong May 2 ay kinumpirma ni Xian sa pamamagitan ng isang magazine interview ang relasyon nila ng film producer na si Iris Lee.

Ayon pa kay Xian, totoong tumawag siya kay Kim pero hindi para sa nasabing dahilan kundi para pakiusapan ito na maglabas na sila ng pahayag na hiwalay na sila at sa maayos na paraan.

Paliwanag ni Xian, marami nang nakikisawsaw sa hiwalayan nila ni Kim at gumagawa ng iba’t ibang kwento tungkol dito.

Isiniwalat niyang umabot pa raw sa punto na nakatanggap siya ng mensahe mula sa isang supporter na “sana mamatay na ang lola mo.”

Kaya para matapos na ang iba’t ibang espekulasyon, tinawagan niya si Kim para pakiusapan itong sabihin na nila na hiwalay na sila.

Ani Xian, “When this story first came to me, I didn’t understand it, to be honest. There’s also no truth to it. But I’ll say this—the truth is that I really did call Kim. When we parted ways, there were various stories coming out. Some parties are purposely becoming noisy. This was also the time when my family started getting messages that were below the belt.”

Patuloy pa niya, “It had already gotten way out of hand during the two weeks since we broke up, so I had to give her a call. This was around November. I was actually begging Kim, saying we should release a statement that we’ve already gone our separate ways, that we separated on good terms at walang sigawan. Of course, there were tears, pero walang masamang tinapay…”

“I begged her that both of us could release a statement, but she said not yet because they’re doing the press launch of her series. I said, ‘But this isn’t work-related. It’s personal.’ That’s the truth to it…,” dagdag niya.

Samantala, nagsalita rin si Xian hinggil sa pahayag ng GMA writer na si Brylle Tabora na mahirap siyang katrabaho at ginawa niyang miserable ang buhay nilang mga writer.

Ayon kay Xian, hindi pa niya nakikita ito at tanging ang production manager at creative head lamang umano ng GMA-7 ang kanyang nakakausap.

Aniya, “There’s really no relationship between an actor and a writer for a TV show. This is possible when doing a film because it’s a collaborative process, so you get to jam. But in a TV show, it’s very systematic. So, the only people I talk to are the production manager and the creative head of GMA 7…”

“I’ve never even met the guy. I just wish he can elaborate. I’ve done nothing but put in the time,” diin pa niya.

Read More

Kim Chiu, gusto umanong ligawan ng aktor na si Jake Ejercito

Gaano katotoo ang balitang bet umanong ligawan ng Kapamilya actor na si Jake Ejercito ang actress at TV host na si Kim Chiu?

PHOTO : Kim Chiu and Jake Ejercito

Mainit na pinag-uusapan ng mga Marites ang tsikang gustong ligawan ni Jake si Kim.

Matatandaang single na ngayon si Kim matapos silang maghiwalay ng Kapuso actor na si Xian Lim after almost 12 years of relationship.

Marami ang nagulat sa paghihiwalay nila ni Xian dahil akala ng lahat na mauuwi rin sa kasalan ang kanilang relasyon.

Hanggang sa nagulantang ang marami nang mag-post si Kim noong December 23 at kumpirmahin na hiwalay na sila ni Xian.

Malaking palaisipan pa rin sa lahat ang dahilan ng hiwalayan ng dalawa.

Habang si Jake, matagal nang single at wala pang napapabalitang nakarelasyon mula nang maghiwalay sila ng dating aktres na si Andi Eigenmann.

May isang anak si Jake kay Andi na si Ellie na dalagang-dalaga na ito ngayon.

Jake Ejercito liligawan si Kim Chiu?

Usap-usap nga ngayon ang tsikang gustong ligawan ni Jake si Kim na naging leading lady niya sa series na “Fit Check: Confessions of an Ukay Queen” at naging co-star naman niya sa seryeng “Linlang”.

Nagsimula ang tsika dahil sa isang ulat ng Bulgar Online ni Janiz Navida na pinublish nitong January 7.

Ang headline ng balita ay “May sasalo agad, Xian…JAKE, GUSTONG LIGAWAN SI KIM.”

Ibinahagi ng Bulgar na may nagsabi sa kanilang “type” umanong ligawan ni Jake si Kim.

Ayon pa sa kanila, “matindi” raw ang “tama” ni Jake kay Kim.

Ilang taon din umano kasing single si Jake pero ngayon, handa siyang ligawan si Kim.

Samantala, kung magkatotoo man ito, at sinagot ni Kim si Jake, tiyak pareho silang jackpot sa isa’t isa.

Pareho kasing accomplished na sina Kim at Jake.

Bukod dito, swerte si Kim kay Jake dahil wala itong babaero o cheater image. 

At hinahangaan pa dahil sa pagiging mabuting ama niya kay Ellie.

Pero ang tanong, ready na ba si Kim na muling buksan ang kanyang puso sa ibang lalaki matapos silang maghiwalay ni Xian?

Hindi rin biro ang tagal ng relasyon nila ni Xian.

Kaya hindi nakapagtataka kung matagal ang moving on process ni Kim Chiu dahil sa sinapit ng relasyon nila ni Xian Lim.

Read More

Daniel, hindi pala may-ari ng J Castles theme park sa Batangas

Ibinahagi ni Ogie Diaz na hindi pala may-ari o kasosyo si Daniel Padilla ng kabubukas lamang na immersive theme park sa Tanauan, Batangas na J Castles.

PHOTO : Daniel Padilla and J Castles

Matatandaang naging usap-usapan ang theme park dahil sa ulat na isa si Daniel sa mga may-ari o co-owners nito. 

Ang konsepto ng theme park ay mala-Disneyland ngunit imbes na adventure rides, iba’t ibang lights at large figures at attractions ang makikita sa loob ng blue-themed J Castles. 

Isa sa mga tagline nila ay “dream within dream”.

Noong Mayo 1 ay nangyari ang soft opening ng theme park. 

Marami naman ang namangha rito lalo pa’t ito ang kauna-unahang napakalaking immersive park sa bansa. 

Ngunit nabahiran nga ng kontrobersiya ang theme park dahil marami ang nagreklamo dahil sa mahal daw nitong entrance fee na P1,500 na hindi raw sulit.

Daniel Padilla and J Castles issue

Bukod dito, usap-usapan din ang theme park matapos ngang isiwalat ni Ogie sa kanyang YouTube channel na hindi raw totoong isa si Daniel sa may-ari ng theme park. 

Ayon pa kay Ogie, isang kaibigan ang nag-message sa kanya para linawin na hindi may-ari ng J Castles si Daniel. 

Ani Ogie, “Merong isang kaibigan na nag-message sa amin at ang sabi niya ay hindi totoong si Daniel ang isa sa mga may-ari… Sabi niya, ‘Naku, mare, hindi kay Daniel Padilla ang J Castle. ‘Yung Vineyard ang may-ari ng J Castle.” 

Ibinahagi rin ng sender na nagalit ang may-ari kay Daniel matapos lumabas sa balita na isa siya sa mga may-ari ng J Castles. 

Sa katunayan, nag-sorry pa raw si Daniel sa may-ari ng J Castles dahil dito. 

Ani Ogie, “Nung soft opening na yan, ito yung Mayo 1, humingi ng sorry si Daniel sa friend ko kasi yun nga nagalit sila na bakit daw ganun ang lumabas sa press na part owner siya.” 

Nabanggit naman ni Ogie na baka industrial partner ng J Castles si Daniel kung saan hindi na nito kailangan maglabas pa ng pera para magkaroon ng share sa theme park dahil sapat na ang talent at kasikatan nito. 

Pero sinabi raw ng sender na hindi rin daw. 

Ani Ogie, “Sabi niya, no pa din. Sabi ko, yun ang press release. Ano ba usapan nila? Sabi ng source ko, wala, kaya nag sorry si DJ dun sa friend ko. Sabi rin ni DJ hindi niya alam bakit ganun ang lumabas sa press.” 

Samantala, taliwas naman ito sa naging pahayag ni Daniel sa panayam sa kanya ng ABS-CBN News kung saan ibinahagi niyang bahagi siya ng creatives at conceptualization o pagbuo ng ideya at konsepto ng theme park. 

Ani Daniel, “Doon tayo sa creatives and conceptualization. Siyempre hands-on dahil gusto nating ma-experience ng mga tao… hindi naman tayo pwedeng gumawa ng theme park na basta-basta.” 

Sa kasalukuyan ay wala pa namang pahayag si Daniel hinggil sa isyung hindi siya totoong kasosyo sa nasabing theme park.

Read More

Wedding nina Nash Aguas at Mika dela Cruz, pinusuan ng netizens

END GAME – Pinusuan ng mga netizens ang wedding ng celebrity couple na sina Nash Aguas at Mika del Cruz, kahapon May 18, 2024.

Mula sa pagiging childhood sweethearts, endgame na nga para kina Nash Aguas at Mika dela Cruz, matapos silang ikinasal sa Adriano’s Events Place and Prayer Garden sa Tagaytay.

Sila ay parehong 25 years old, kung matatandaan, nagsimula ang relasyon ni Nash Aguas at Mika dela Cruz taong 2018.

Ibinahagi ni Mika sa kanyang social media account ang larawan na kuha mismo sa araw ng kaniyang kasal, dito makikitang umiiyak si Mika na naglalakad patungo sa altar ng simbahan.

Caption pa ni Mika :

“Walking towards my God-sent, my Love., and my forever,”.

Suot ni Mika ang isang gown mula sa fashion designer na si Julianne Syjuco, ang kanilang wedding planner naman na La Belle Fete ay nag post din sa social media ng mga larawan nila Nash at Mika mula sa naganap na kasalan.

Marami naman sa mga netizens ang nagulat sa biglaang pagpapakasal ni Nash at Mika, pero napuno ng congratulatory at best wishes comments ang mga social media posts tungkol sa kanilang kasal.

Nagbahagi na rin ng mga wedding videos at pictures nina Nash at Mika ang Nice Print Photography, ang opisyal na photographer at videographer sa naganap na wedding.

Kung ating babalikan, parehong produkto ng kiddie gag show na ‘Goin’ Bulilit’ sina Nash and Mika, dito rin nagsimula ang kanilang friendship hanggang sa naging magka-relasyon na silang dalawa.

Narito ang komento ng mga netizens :

“Childhood sweathearts no one can surpassed their love its true n sincere both of them i congratulate ur patience n perseverance to wait the moment of truth n happiness fot both of u so proud n wish u all the best”

“looks like she’s pregnant! wow congrats to the both of u!”

“So what kung preggy siya, meron nga kumpol na ang anak d pa ikinakasal, how much more sa preggy ng ikasal. Well sa pinas social norms na ung pupunain ka na ay buntis kaya ikinasal, or shall i say norms na natin ung pumuna sa kapwa natin, while do not know, mas may mapupuna pla sayo.”

Read More

Diwata, sinupalpal si Mystica matapos siyang tawaging dugyot

Hindi pinalagpas ng street food sensation na si Diwata ang mga maaanghang na patutsada laban sa kanya ng singer-performer na si Mystica.

Lalo pang tumindi ang bangayan ng dalawa sa social media na nag-ugat dahil sa pambabatikos ni Mystica sa ugali, itsura, at paresan ni Diwata.

Matatandaang pinuna ni Mystica sa kanyang sunod-sunod na Facebook post si Diwata dahil daw sa inasal nito sa mga nagpapa-picture at nagpapa-shoutout sa kanya.

Ayon pa kay Mystica, lumaki na raw ang ulo ni Diwata.

Tila nakalimutan na raw kasi nito na hindi ang kanyang Pares Overload ang pinupuntahan ng tao kundi siya mismo para makisabay sa kanyang kasikatan.

Tinawag namang dugyot ni Mystica ang ugali ni Diwata na pareho lang daw ng kanyang paresan.

Bwelta ni Mystica laban kay Diwata, “May nagpapa-shout out sa kanya, ‘yung inasal niya, hindi ko nagustuhan. Na-turn off talaga ako. Medyo lumaki na talaga ‘yung ulo niya… Dugyot na ugali, dugyot na paresan! Binigyan ng malaking picture ng susi ng house & lot, ‘yun pala isang container lang… Kawawa ka, Diwata!”

Samantala, nakarating kay Diwata ang mga komento ni Mystica laban sa kanya.

Sa isang video kung saan natanong siya ng isang vlogger kung ano ang masasabi niya sa pagkape ni Mystica sa kanyang tindahan, hindi na nakapagpigil pa si Diwata at sinupalpal si Mystica.

Tinawag na “pisteca” ni Diwata si Mystica na katunog ng pangalan nito.

Lingid sa kaalaman ng marami, ang salitang “piste” ay isang ekspresyon na ginagamit ng mga Cebuano tuwing nagmumura sila o galit at puno ng disgusto sa isang pangyayari o tao.

Ayon pa kay Diwata, wala siyang pakialam sa mga sinasabi ni Mystica laban sa kanya dahil laos na raw ito.

Tanong ng vlogger kay Diwata, “Diwata, anong masasabi mo na nagkape si Mystica dito sa paresan mo?”

Sagot naman ni Diwata, “Sino si PISTEca? nagkape siya dito? nagkape pala si PISTEca sa pwesto ko.. alam mo wala akong pakiaalam kay PISTEca dahil matagal ng laos yan”

Maliban dito, viral din ang komento ni Diwata sa isang video ni Mystica kung saan binweltahan niya ang mga nagsasabing naiinggit lang siya kay Diwata.

Sa kanyang komento, tinawag na “aso” ni Diwata si Mystica.

Caption sa Facebook video ni Mystica, “I HAVE WORKED AND CLIMBED MYSELF UP TO BE A HOTEL MANAGER, RESTAURANT MANAGER, NFL COMPANY OPERATIONS SUPERVISOR, EXECUTIVE CHEF, HOTEL SUPERVISOR, ETC, ETC. TAPOS KAIINGGITAN KO ANG STREET VENDOR AT ANG PARESAN LANG NI DIWATA? HELLO!!! ANG KIKITID TALAGA NG MENTALITY NG MGA DIWANGWANG FANATICS! NAGKAROON LANG NG PARESAN ANG DATING NAMAMASURA AT NANGANGALAKAL, HINAHALIKAN NA ANG PUWET AT DINUDUMOG NA ANG DUGYOT AT NILALANGAW NIYANG MGA PARES! SARIMULYO!!! – MYSTICA”

Komento naman ni Diwata, “Oi May Aso aw aw aw [smiling emojis]”

Sa ngayon ay wala pa namang reaksyon si Mystica sa mga patutsada ni Diwata laban sa kanya.

Read More

Mystica, tinawag na “dugyot” ang mukha at paresan ni Diwata

Usap-usapan ngayon sa social media ang pagtawag na “dugyot” ng singer-performer at “Split Queen” na si Mystica kay Diwata at sa kaniyang paresan.

Ayon pa kay Mystica na hindi lang siya ang nakapansin na pinipili lang umano ni Diwata ang mga tao na pinapayagan niyang magpa-picture sa kanya.

Magkaiba raw ang trato ni Diwata sa mga vloggers, mayayaman at mga taong nagbibigay sa kaniya ng regalo, tulong at mga pera, todo asikaso umano ang negosyante kahit buong araw pa.

Ngunit pagdating umano sa mga customers niya na mga ordinaryong tao ay ayaw raw nito magpa-picture o makipag-halubilo.

Ayon pa kay Mystica, kapansin-pansin na raw na lumaki ang ulo ni Diwata at tumaas ang ‘ere’ nito mula nang pagkaguluhan siya at sumikat.

Mukhang nakakalimutan na raw ni Diwata na “siya” ang dahilan kung bakit pinupuntahan ang kanyang paresan at hindi ang tinitinda niyang “nilalangaw” na pares overload.

Sa “realtalk” ni Mystica para kay Diwata sa kaniyang social media account, tinawag niya na dugyot ang katawan, ugali at mismong paresan ni Diwata.

“Unahin mo ang sanitation at kalinisan ng mga kumakain sa iyo, yun ang dapat inaasikaso mo, hindi ang mangbara ng mga taong ikaw naman talaga ang pinunta, hindi ang pares mo,

“Hindi niya alam na ito ang magpapabagsak sa kanyang nilalangaw at dugyot na ugali, dugyot na katawan at pagmumukha at dugyot na paresan!” ayon kay Mystica.

Samantala, rumesbak naman si Diwata tungkol sa mga sinabi ni Mystica tungkol sa kanya at sa paresan niya.

Sa isang video na kumalat na rin sa social media, naitanong kay Diwata ng isang vlogger kung kilala niya si Mystica at ayon sa vlogger nagkape umano si Mystica sa paresan niya.

Ani ng vlogger; “Diwata, anong masasabi mo na nagkape si Mystica dito sa paresan mo?”

“Sino si PISTEca? nagkape siya dito? nagkape pala si PISTEca sa pwesto ko.. alam mo wala akong pakiaalam kay PISTEca dahil matagal ng laos yan” sagot ni Diwata.

Read More