Carlos Yulo, inspirasyon pa rin ang pamilya sa kabila ng alitan

Sa kabila ng alitan nila ng kanyang ina, pinasalamatan pa rin ni two-time Olympic gold medalist Carlos Yulo ang kanyang pamilya.

Hindi maikakaila na magkahalong tamis at pait ang nararamdaman ni Carlos kasunod ng kanyang tagumpay sa 2024 Paris Olympics.

Kasabay kasi ng kanyang pagkapanalo ay ang pag-usbong ng hindi pagkakaunawaan nila ng kanyang ina, si Angelica Yulo.

PHOTO : Carlos Yulo / Paris Olympics 2024

Dahil dito, hindi kasama ni Carlos ang kanyang pamilya habang siya ay nagdiriwang ng pagkapanalo sa Olympics.

Gayunpaman, ipinaabot pa rin ni Carlos ang kanyang pasasalamat sa kanyang pamilya.

Carlos Yulo, ibinahagi kung sino ang kanyang inspirasyon sa buhay

Kamakailan lang ay nag-guest si Carlos sa TV show ni Willie Revillame na “Wil To Win.”

Natanong ni Willie si Carlos kung sino ang inspirasyon niya sa buhay.

Sagot ni Carlos: ang Diyos, ang kanyang pamilya, at ang kanyang girlfriend na si Chloe San Jose.

Ani Carlos, “Unang-una po, si Lord, grabe po yung ibinigay Niya na talento, lakas, guidance. Sobrang blessed po ako throughout the game at sa mga naranasan ko sa buhay. Palagi Siyang nandiyan.”

Dagdag niya, “Family, siyempre, yung partner ko na palaging…grabe, yung well-being ko at mental health na nasusuportahan ako sa lahat.”

Malaki rin ang pasasalamat ni Carlos sa presidente ng Gymnastics Association of the Philippines na si Cynthia Carrion.

Aniya, “Siyempre, si Ma’am Cynthia po, na president po namin, itinaguyod niya talaga yung gymnastics sa Pilipinas. Sobrang thankful po ako sa kanya.”

Carlos, pinasalamatan ang pamilya

Samantala, nabanggit ni Willie na nagkausap sila ni Carlos tungkol sa pinagdadaanan nito hinggil sa kanyang pamilya.

Ani Willie, “Medyo alam ko may mga pinagdadaanan ka, nakapag-usap kami kanina sa backstage. Sabi ko, masarap yung buo ang lahat, at siyempre, yung mga mahal mo sa buhay, nandiyan sa ’yo.”

Tanong niya kay Carlos, “Ano ang gusto mong sabihin sa mga mahal sa buhay?”

Bagamat hindi niya binanggit ang pangalan ng kanyang mga magulang, ramdam ng marami ang sinseridad ni Carlos habang pinapasalamatan ang kanyang mga magulang.

Aniya, “Nagpapasalamat po ako na nandiyan sila, nakaantabay. Ipinagdarasal ako sa lahat ng mga ginagawa ko sa buhay. Naaalagaan ako, hindi lang bilang atleta, kundi bilang tao na rin po. Wala po akong masabi kundi pasasalamat. Thank you sa pagmamahal na ibinibigay nila sa akin. Hindi ko po alam, pero ito po yung naging resulta ng pagsusuporta nila. Maraming salamat po.”

Read More

Bea Alonzo, natatakot na baka raw hindi na siya magka-anak

Gaya ng karamihan sa mga babae, isa sa naging pangarap ng aktres na si Bea Alonzo ay maging ina o magkaroon ng sariling anak.

Nagpakatotoo ang Kapuso actress na si Bea hinggil sa usapin ng pagkakaroon ng anak.

Ngunit sa kasamaang-palad, habang ang mga kaedad niya sa industriya ay mayroon ng mga asawa at anak, si Bea ay wala pa ring asawa at anak hanggang ngayon.

Bea Alonzo, bet maging ‘cool mom’ kung magkakaanak siya

Sa latest episode ng programa ni Boy Abunda na “My Mother, My Story,” inamin ni Bea na natatakot siya na hindi na niya matupad ang pangarap niyang maging isang ina.

Ayon kay Bea, gusto niyang maging isang “cool mom” gaya ng kanyang ina na si Mary Anne Ranollo.

Nabuntis kasi nang maaga ang kanyang ina kaya habang lumalaki si Bea, hindi umano niya naramdaman ang generation gap sa pagitan nila.

Ani Bea, “She got pregnant when she was 19 and she had me when she was 20. So we’re also good friends. Growing up, parang wala masyadong generation gap.”

Bea Alonzo, natatakot na hindi na magkaanak 

Ngunit nangangamba nga si Bea na hindi na siya magkakaanak dahil 36 years old na siya ngayon.

Ani Bea, “That’s what I’m afraid of since I’m 36 and hindi pa ako nagkakaanak, so iniisip ko, ‘Sana maging kasing cool ako ni mama.’ If I have kids, sana kasing cool ako na mom kagaya ng mama ko.”

Samantala, ibinahagi rin ni Bea na kung sakaling maging ina siya, nais niyang sundin ang paraan ng pagpapalaki ng kanyang ina na may pagiging strikto o mahigpit umano.

Aniya, “Just like my mother, I would say. To be honest, she was very strict when we were growing up, and of course, back then I didn’t understand why.”

Kilalanin ang rumored boyfriend ni Bea Alonzo

Mistulang bukas na libro ang buhay pag-ibig ni Bea, at alam ng marami na bagaman tumatagal nang ilang taon ang kanyang mga relasyon, nauuwi rin ito sa hiwalayan.

PHOTO : Bea Alonzo

Sa katunayan, muntik na sanang ikasal si Bea sa kanyang huling karelasyon na si Dominic Roque.

Ngunit sa hindi pa malamang dahilan, inanunsyo nila ang kanilang hiwalayan noong nakaraang Pebrero.

Sa kasalukuyan, nali-link naman si Bea sa Filipino-British businessman na si Michael Needham.

Gayunpaman, wala pang kumpirmasyon si Bea hinggil sa tsikang bagong boyfriend niya si Michael.

Read More

Mommy Dionisia, pinayuhan si Carlos na mahalin ang kanyang ina

May payo ang ina ni boxing champ Manny Pacquiao na si Dionisia, o mas kilala ng marami sa tawag na Mommy D, kay two-time Olympic gold medalist Carlos Yulo.

Ito’y may kaugnayan pa rin sa usap-usapang alitan ni Carlos at ng kanyang ina na si Angelica.

Hindi maikakaila na isa si Mommy D. sa pinakasikat na ina ng isang atleta sa bansa.

Ito’y dahil sa ipinakita niyang suporta kaya Manny mula nang mag-umpisa ito sa boxing hanggang sa siya ay naging world champion.

Kaya hindi maiwasan ng maraming netizens na ikumpara si Mommy D. at Angelica sa aspeto ng pagiging isang supportive mother.

Matatandaang binatikos si Angelica dahil matapos niyang suportahan ang kalaban ni Carlos sa gymnastics mula Japan.

PHOTO : Angelica Yulo and Carlos Yulo

Hanggang naungkat ang isyu tungkol sa paggamit ni Angelica sa napanalunang pera ni Carlos nang hindi nito alam.

Nasundan ito ng pagsasalita naman si Angelica sa isang interview para itanggi na ninakaw niya ang pera ni Carlos.

Lalong uminit ang isyu nang ituro naman ni Angelica ang girlfriend ni Carlos na si Chloe San Jose na mitsa ng kanilang hidwaan na mag-ina.

Ngunit kumambyo si Angelica at nag-sorry kay Carlos at sa girlfriend nito matapos magsalita si Carlos i para pabulaanan ang lahat ng sinabi ni Angelica.

Mommy Dionisia, may payo kay Carlos Yulo sa gitna ng alitan nila ng kanyang ina 

Samantala, nakarating kay Mommy D ang tungkol sa hidwaan ni Carlos at kanyang ina na naisapubliko matapos ang pagkapanalo niya sa 2024 Paris Olympics.

Sa video na ibinahagi ng partner niyang si Mike Drilon Yamson sa Facebook, pinayuhan ni Mommy D si Carlos na mahalin ang kanyang ina at huwag magkimkim ng sama ng loob dito.

Mensahe Mommy D kay Carlos, “Mahalin mo ang nanay mo. Huwag ka magtanim, kikim ng sama ng loob,”

Dagdag niya, “Mahal na mahal ka [ng] mama mo, nanay mo. Mahalin mo siya sa lubusan ng pagmamahal bilang nanay, kay mahal na mahal ka niya. ‘Yan lang ang payo ko sa’yo bilang nanay.”

Carlos Yulo, hindi pa nakikita ang pamilya

Sa ngayon, wala pa namang bagong balita kung naayos na ba ni Carlos at kanyang ina ang kanilang relasyon.

Matatandaang nakauwi na sa bansa si Carlos mula Paris, France kung saan sinalubong siya ng isang engrandeng Heroes welcome noong Miyerkules, August 14.

Ngunit kapansin-pansin na hindi kasama sa mga sumalubong kay Carlos ang kanyang pamilya.

Wala rin ang kanyang pamilya sa ilang welcome party para sa kanya, gaya na lamang sa Malacañang Palace kung saan sinalubong siya ni Pangulong Bongbong Marcos.

Mukhang hindi pa rin nakikita ni Carlos ang kanyang pamilya dahil kinailangan pa ng kanyang ama na si Mark Andrew na mag-abang sa parade ni Carlos sa Maynila para makita ang anak.

Read More

BINI, binatikos dahil sa ‘overpriced’ na concert tickets

Pumalag ang maraming fans ng P-pop group na BINI dahil sa mga presyo ng ticket para sa upcoming concert ng grupo na  “Grand BINIverse.”

Ang concert ng grupo ay naka-schedule sa November 16 at 17 na gaganapin sa Araneta Coliseum. 

Pero ngayon pa lang ay maraming fans na ang nagdadalawang-isip kung pupunta ba sila sa concert ng BINI dahil sa sobrang mahal ng mga ticket nito.

Nitong Lunes, inilabas ng concert organizer ang opisyal na presyo ng mga ticket, kung saan ang VIP Standing, na pinakamahal, ay nagkakahalaga ng 11,195 pesos, habang ang General Admission, na pinakamura, ay nasa 1,387 pesos.

Netizens, pumalag sa presyo ng BINI ticket sa Grand BINIverse concert: Sobrang mahal

Tumaas ang kilay ng maraming netizens, kabilang ang fans ng BINI dahil sa masyadong mahal ng presyo ng tickets.

PHOTO : BINIverse Concert

Ayon pa sa kanila, tila overpriced o sobrang mahal daw ng tickets na parang malapit na raw sa presyo ng ticket ng mga bigating K-pop group gaya ng Blackpink at iba pang international artists.

Komento ng ilang netizens:

“you know what i hate? halos malapit na yung presyo sa blackpink pero wala namang involved na super malaking gastos sa logistics dito kasi sa qc lang yung abs at yung con. anuna teh???”

“Let it be known na home grown artists sell lower pricing for concerts domestically. Obviously iba na once they go int’l kase kasama na ang logistics, foreign artists fee, WHTs etc. It’s not that the girls don’t deserve this, malala lang talaga mag take advantage mga Pinoy.”

“funny kasi nasa around 8k lang usually yung mga concert ng kpop idols sa korea.. i don’t wanna compare pero ano ba kasi basis nila sa pricing dito”

“Eh pinaninindigan ang Korean imprint eh. Maski nga sa airport di ba may pa-mask mask pa sila. Hindi sila Grammy winners, di din naman global artists pa, yan na ang feeling worth nila.”

“Kakapal ng mukha sa ticket price e puro halos mga kabataan fans ng mga yan ung mga kabataan na nanghihingi pa ng baon sa mga magulang putcha haha..dinaig pa ung SUPER STAR SA TALENT HAHA”

“for a ppop group na supposedly pang masa and considering most of your fans are students? these prices are a joke. feeling kpop company kayo jan? ayusin niyo muna production and mga low quality merch niyo. grabe kayo manggatas sa fans, you never considered them lol”

Sana babaan ang presyo ng tickets ng Grand BINIverse concert

Umapela naman ang ilang fans ng BINI na sana ay ikonsidera ng organizer ang edad ng Blooms o fanbase ng BINI na karamihan ay mga estudyante pa.

Hiling nila na babaan pa ng organizer ang presyo ng mga ticket para makabili naman sila.

Komento ng netizens:

“sana i consider nila yung fanbase na kramihan estudyante pa, and sana hindi para add ons sa fast food ang soundcheck, package dapat yan sa VIP”

“Pag kpop or hollywood artist ticket wala reklamo agad agad bibili, pag sarili atin na reklamo agad hayy pinoy nga naman!”

Read More

Chloe San Jose, nagseselos sa coach ni Carlos Yulo?

Pinagseselosan diumano ng girlfriend ni Carlos Yulo na si Chloe San Jose, ang occupational therapist ng atleta na si Hazel Calawod.

Sa gitna ng tagumpay ni Carlos sa 2024 Paris Olympics, kaliwa’t kanang kontrobersiya ang iniuugnay sa kanya.

Una na rito ang tungkol sa hidwaan nila ng kanyang ina na si Angelica Yulo na ang pinag-ugatan ay ang girlfriend din niyang si Chloe.

PHOTO : Chloe San Jose / Carlos Yulo and Angelica Yulo

Hanggang isang di inaasahang kontrobersiya nga ang umusbong na naman ngayon kung saan tungkol naman sa kanyang occupational therapist.

GF ni Carlos Yulo, pinagseselosan ang kanyang Occupational Therapist?

Ang occupational therapist ni Carlos na si Coach Hazel ay biglang naging sentro ng mga balita hindi dahil sa kanyang propesyonal na kontribusyon, kundi dahil sa tsikang pinagseselosan siya ni Chloe.

Uminit ang isyu matapos mapansin ng ilang netizens ang tila kawalan ng pasasalamat ni Carlos kay Hazel, lalo na sa social media.

Isang bagay na agad namang napansin ng mga tagahanga, lalo’t sunod-sunod ang social media post ni Carlos pero laging kasama niya si Chloe.

Matapos namang mag-viral ang isyu, isang source na isang sports writer ang nagbahagi ng impormasyon ukol dito.

Sa ulat ng Bandera, ibinunyag ng source na si Chloe diumano ang may hawak ng social media accounts ni Carlos, dahilan kung bakit kontrolado niya ang mga ipino-post dito.

Dagdag pa niya, tila sensitibo umano si Chloe tuwing napag-uusapan si Hazel, dahilan ng hindi pagbanggit sa kanya ng atleta sa mga panayam.

Ang kontrobersiyang ito ay lalo pang lumaki nang mag-post ang social media personality na si Xian Gaza, kung saan kinumpirma niya ang tsismis.

Xian Gaza, kinumpirmang pinagseselosan ng GF ni Carlos Yulo ang kanyang Occupational Therapist

Ayon kay Xian, batay sa kanyang mapagkakatiwalaang source, totoong pinagseselosan ni Chloe si Hazel.

Aniya, hindi gusto ni Chloe na masapawan, kaya’t nililimitahan niya ang exposure ni Hazel.

Ngunit sa kabila ng lahat ng ito, isang bagay ang hindi matatawaran—ang kahusayan ni Hazel bilang isang therapist.

Kilalanin ang Napakagandang Occupational Therapist ni Carlos Yulo

Si Hazel ay isang Harvard-certified Human Factors Specialist at kasalukuyang Data Scientist sa Massachusetts Institute of Technology (MIT).

Maliban sa kanyang impressive na educational background, siya rin ay nagpatunay ng kanyang kahusayan sa pagtulong kay Carlos upang maging handa sa mga laban, lalo na noong 2024 Paris Olympics.

Maraming netizens ang nagpahayag ng kanilang suporta kay Hazel, lalo na’t malaking bahagi siya ng tagumpay ni Carlos sa larangan ng gymnastics.

Bagaman hindi siya laging nakikita sa spotlight, ang kanyang kontribusyon ay hindi dapat balewalain.

Samantala, sa ulat ng ABS-CBN, nagpasalamat si Coach Hazel sa sambayanan dahil sa suporta nila hindi lang kay Carlos kundi sa kanilang team.

Aniya, “Salamat po sa suporta niyo sa kanya at sa grupo namin. Salamat din po na nagbigay kayo ng energy niyo kasi naiintindihan ko din na kung kulang ang energy na nabibigay samin baka hindi rin po nabuo yung ganitong resulta ng grupo. Nakagawa po tayo together ng magandang history ng Pilipinas.”

Read More

RR Enriquez, nagsalita sa isyu ni Carlos Yulo tungkol sa pera

Nagbigay ng kanyang saloobin si RR Enriquez tungkol kina Carlos Yulo, Angelica Yulo at Chloe San Jose dahil sa isyu nila tungkol sa pera.

Kung ating babalikan, mainit na pinag-usapan sa social media ang alitan ng mag-inang Carlos Yulo at Angelica Yulo.

Kasunod kasi ng makasaysayang pagkapanalo ng dalawang gintong medalya ni Carlos sa 2024 Paris Olympics, napansin ng netizens na hindi pa siya binabati ng kanyang ina.

Dahil dito, umusbong ang haka-haka na diumano’y hindi maayos ang relasyon ni Carlos sa kanyang ina.

PHOTO : Angelica Yulo and Carlos Yulo

RR Enriquez, may say sa isyu ni Carlos Yulo at Angelica Yulo

Dahil dito, hindi na napigilan ni RR na magbahagi ng kanyang saloobin at mag-react sa isyung kinasasangkutan ng mag-ina.

Para sa aktres, super nakaka-relate umano siya sa pinagdaraanan ngayon ni Carlos dahil minsan ay naging bread winner rin siya ng kanyang pamilya.

“As a Sawsawera Queen… bilang naging isang breadwinner din ako dati parang feeling ko malaki ang maiaambag ko sa issue na ito.” panimula ni RR.

“Accurate yan madalas sa isang tumatayong breadwinner ng pamilya. Na experience ko din yan, yung hindi kayo magkaunawaan ng magulang mo coz akala nila, dahil naging bread winner ka naging mayabang ka na,”

“But the truth is we just want to know lang kung saan napupunta yung mga binibigay mo na pera.

“Yung gusto mo maging specific sa pagtatanong where did they use the money etc. and sometimes may mga moment magkakainitan kayo kasi akala ng magulang mo pinag iisipan mo na niloloko ka nila.

“Nasasaktan din sila at may nasasabing hindi maganda. Then ikaw na patola, sasagot ka at mag aaway kayo,” pahayag ng aktres.

RR, pinayuhan si Carlos na bumawi sa kanyang ina at pamilya

Dahil sa naging ingay sa social media tungkol sa tampuhan nina Carlos at Angelica, nagbigay si RR ng payo sa mag-ina at umaasa ang aktres na sana ay magka-ayos na ang mga ito.

“I hope kapag humupa na ang tampo nila sa isat isa at sila ay magkapatawaran….. Sa dami ng perang nareceive ni Caloy ngayon, maiparanas nya pa din ulit yung katas ng pagiging gold medalist nya.”

“Bilhan nya ng bahay, itravel nya out of the country. Ipag shopping nya ang pamilya nya. Kasi napakasarap talaga sa pakiramdam ng makapag share ng blessings sa pamilya mo,” payo ni RR.

RR, may payo sa girlfriend ni Carlos Yulo

Nagbigay rin ng payo si RR sa girlfriend ni Carlos na si Chloe San Jose, para kay RR mas gusto umano niya na ang kanyang partner ay may respeto parin sa kanyang mga magulang kahit hindi nila gusto ang isa’t-isa.

Aniya : “Para naman du’n sa rival ng Mom and gf. Yes it’s so easy to judge someone based on their appearance or sa mga sinusoot nila.

“But hindi naman porket ayaw sayo ng magulang ng jowa mo ay hindi ka na mag i effort to win her heart.

“Mas gusto ko pa din na ang partner ko ay irirespeto ang magulang ko kahit hindi nila gusto ang isat isa,” dagdag ng aktres.

Read More

Louie Jay, binugahan ng tubig sa mukha ang kaniyang live seller?

Trending ang TikToker na si Louie Jay Baloc, mas kilala bilang ‘Daddy Louie,’ dahil sa kontrobersyal na ginawa niya sa isa niyang live seller.

Viral ang isang video clip mula sa TikTok Live Selling ni Louie Jay para sa 8.8 sale nitong Huwebes, August 8, kung saan makikita ang pagbuga niya ng tubig sa mukha ng isa niyang live seller. 

Makikita rin sa video na napaiyak ang live seller dahil sa insidente, habang maririnig ang kanyang pakiusap kay Louie Jay na tumigil na.

Aniya, “Tama na, Dad (tawag nila kay Louie Jay).”

PHOTO : Louie Jay Baloc / Tiktok Live

Ayon sa isang nakapanood ng live selling, nagkaroon umano ng system error kaya nagalit si Louie Jay sa kanyang staff. 

“System error sa Sukee live. Binugahan pa ni Louie ng tubig ang staff niya,” ayon sa caption ng isang netizen na naka-record ng insidente.

Netizens, nag-react sa ginawa ni Louie Jay sa kanyang live seller

Samantala, umani ng kabi-kabilang reaksyon at komento mula sa netizens ang ginawang pagbuga ni Louie Jay ng tubig sa mukha ng kanyang staff. 

Marami ang hindi nagustuhan ang ginawa niya na itinuturing nilang napakabastos. 

Ngunit may ilan ding nagsasabi na posibleng isa lamang itong marketing strategy o scripted na eksena para mag-trending at pag-usapan muli si Louie Jay.

Bagaman nag-viral, tila nauwi sa wala ang kanilang effort dahil marami ang hindi na naniniwala sa kanilang mga pakulo.

Narito ang ilang komento ng netizens:

 “Wag kami, Louie Jay, halatang forda acting ang mga tao.”

 “Halata naman na creation camp haha.”

“Marketing strategy, more issues, more viewers—ending, kikita pa sila.”

“Ginawa nila ‘yan para pag-usapan sila ulit ng issue at mag-boom ang business.”

“Will never like this man ever… Jusko, the disrespect even if it’s scripted or not.. that is the most disrespectful act you can ever do to someone.”

Past Issues of Louie Jay Baloc

Matatandaang hindi ito ang unang beses na binatikos si Louie Jay dahil sa kanyang kontrobersyal na content. 

Noong nakaraang taon, nag-viral din siya dahil sa homophobic remark at pambu-bully niya at ng kanyang mga live seller sa itsura ng content creator na si Jose Bryant Correa o mas kilala bilang “Wear Sunscreen”.

Hindi kasi matanggap ni Louie Jay ang “honest review” ni Wear Sunscreen sa binebenta niyang Sukee sunscreen.

Ani Louie Jay, “Sinetch itey ang acclang mukhang mama…Sinetch itey ang kumapit sa patalim na content creator. Ano ba ‘yan. Huy hindi sa amin yan ah. Tapos ano nakakatawa siya kasi bakit? Nagpapa-babae-baehan siya. Alam mo hindi mo ba afford uminom ng hormones?” 

“Masyado kang nagpapabida eh. Kasi kahit ako ‘pag may sisirain akong product, masisira ko talaga siya kasi intensyon ko eh. Kapag intensyon talaga ng isang tao, kaya mo talagang gawin niya. Pero kung honest review lang, imposible namang ganun tapos honest review. Hindi na below the belt ka na,” dagdag niya.

Read More